سر عرشِ بریں لکھا ہوا ہے
خدا کے بعد وہ سب سے بڑا ہے
Sar arsh-e-bareen likha hua hai
Khuda ke baad woh sab se bara hai
اُتر کر آسماں سے ہر فرشتہ
اُسی کا آکے دامن چُومتا ہے
Utar kar aasman se har farishta
Usi ka aake daaman choomta hai
دوعالم اُس کی چوکھٹ پر کھڑے ہیں
نجانے اُن میں وہ کیا بانٹتا ہے
Do aalam us ki chaukhat par khade hain
Najaane un mein woh kya baant'ta hai
ہر اِک ذرّہ چمکتا ہے وہاں کا
ہر اِک ذرّے میں اِک سورج چھپا ہے
Har ik zarra chamakta hai wahan ka
Har ik zarre mein ik sooraj chhupa hai
وہی ہے ہوش میں سب سے زیادہ
وہاں بے ہوش ہو کر جو پڑا ہے
Wohi hai hosh mein sab se zyada
Wahan be hosh ho kar jo pada hai
وہاں پر چاہنے والوں کا انجؔم
عجب ہی شان کا مجمع لگا ہے
Wahan par chahne walon ka Anjam
Ajab hi shaan ka majma laga hai
Share This Naat
Share with friends and family
سر عرشِ بریں لکھا ہوا ہے
انجم نیازی