ہو گیا روشن جہاں ماہِ رسالت آگئے
عالمیں کے واسطے وہ بن کے رحمت آگئے
Ho gaya roshan jahan mah-e-risalat agaye
Alameen ke wastay woh ban ke rehmat agaye
روزِ محشر کام آئے گی شفاعت آپ کی
عاصیوں کے واسطے بن کر مسرت آگئے
Roz-e-mahshar kaam aye gi shafaat aap ki
Asiyon ke wastay ban kar musarrat agaye
ہر طرف پھیلی ہوئی تھیں کفر کی تاریکیاں
نورِ وحدت کے چراغ ان کی بدولت آگئے
Har taraf phaili hui theen kufr ki tareekiyan
Noor-e-wahdat ke charagh un ki badolat agaye
اِذنِ طیبہ مل گیا ہم پر ہوا لطف و کرم
آپ کے دربار میں بہرِ زیارت آگئے
Izne tayyaba mil gaya hum par hua lutf o karam
Aap ke darbar mein behr-e-ziyarat agaye
کچھ نہ کہہ پائے کبھی سرکار کی دہلیز پر
لب رہے خاموش اور اشکِ ندامت آگئے
Kuch na keh paye kabhi sarkar ki dehleez par
Lab rahe khamosh aur ashk-e-nadamat agaye
جس گھڑی وہ چاند اترا آمنہ کی گود میں
دیکھنے کو سارے قدسی ان کی صورت آگئے
Jis ghari woh chaand utra amna ki god mein
Dekhnay ko saaray qudsi un ki soorat agaye
ہاتھ میں کاسہ لئے جب ناز نے کی التجا
شاہِ طیبہ پوری کرنے کو ضرورت آگئے
Haath mein kasa liye jab Naz ne ki iltija
Shah-e-tayyaba poori karne ko zaroorat agaye
Share This Naat
Share with friends and family
ہو گیا روشن جہاں ماہِ رسالت آگئے
صفیہ ناز