کوثر کی بات ہو کہ شرابِ طہور کی
سب میں جھلک رہی ہے عنایت حضور کی
Kausar ki baat ho ke sharab-e-toor ki
Sab mein jhalak rahi hai inayat Huzoor ki
محفل جہاں بھی سجتی ہے ذکرِ حضور کی
برسات ہوتی رہتی ہے کیف و سرور کی
Mehfil jahan bhi sajti hai zikr-e-Huzoor ki
Barsaat hoti rehti hai kaif o suroor ki
ہے کتنی پاک صاف شریعت حضور کی
گنجائشیں نہیں یہاں فسق و فجور کی
Hai kitni paak saaf shariat Huzoor ki
Gunjaishen nahi yahan fisq o fujoor ki
دل کے سکون کے لیے سامان کچھ تو ہو
زم زم کا ذکر کیجئے باتیں کھجور کی
Dil ke sukoon ke liye samaan kuch to ho
Zam zam ka zikr kijiye baatein khajoor ki
کوئی بھی جانتا نہیں اللہ کے سوا
ایسی بھی ہیں صفات ہمارے حضور کی
Koi bhi jaanta nahi Allah ke siwa
Aisi bhi hain sifaat hamare Huzoor ki
سرکارِ دو جہاں کی ولادت کا وقت ہے
چادر تنی ہوئی ہے جدھر دیکھو نور کی
Sarkar-e-do jahan ki wiladat ka waqt hai
Chadar tanee hui hai jidhar dekho noor ki
پتھر ہے دل نہیں وہ ہماری نگاہ میں
دل میں اگر نہیں ہے محبت حضور کی
Patthar hai dil nahi wo hamari nigah mein
Dil mein agar nahi hai mohabbat Huzoor ki
فرمانِ مصطفےٰ ہے کہ افطار اس سے ہو
اس بات سے عیاں ہے فضیلت کھجور کی
Farmaan-e-Mustafa hai ke iftar us se ho
Is baat se ayaan hai fazilat khajoor ki
اپنی تو ایک بس یہی پہچان ہے شفیقؔ
ہم حشر میں بھی نعت پڑھیں گے حضور کی
Apni to ek bas yehi pehchaan hai Shafeeq
Hum hashr mein bhi naat padhenge Huzoor ki
Share This Naat
Share with friends and family
کوثر کی بات ہو کہ شرابِ طہور کی
شفیق ؔ رائے پوری