زہے عزتِ و افتخارِ مدینہ
فزوں عرش سے ہے وقارِ مدینہ
Zahay izzat-e-o-iqrar-e-Madina
Fazoon arsh se hai waqar-e-Madina
بڑی پر کشش ہے بَہارِ مدینہ
گلوں سے بھی بہتر ہے خارِ مدینہ
Bari pur kashish hai bahar-e-Madina
Gulon se bhi behtar hai khar-e-Madina
رخِ ”والضحیٰ“ ہے نگاہوں کی زینت
خیالوں کا مرکز دیارِ مدینہ
Rukh-e "Wadduha" hai nigahon ki zeenat
Khiyalon ka markaz diyar-e-Madina
خدایا مری آرزو بس یہی ہے
” پسِ مرگ کردے غبارِ مدینہ“
Khudaya meri aarzu bas yehi hai
"Pas-e-marg karde ghubar-e-Madina"
حضوری کا پروانہ اب تو عطا ہو
میں کب تک کروں انتظارِ مدینہ
Huzoori ka parwana ab to ata ho
Main kab tak karun intezar-e-Madina
نہ چھیڑو ابھی ذکرِ گل اور گلشن
ابھی ہے تصور میں خارِ مدینہ
Na chhedo abhi zikar-e-gul aur gulshan
Abhi hai tasawwur mai khar-e-Madina
بھنور میں مصیبت کے کشتی پھنسی ہے
کرم کی نظر تاجدارِ مدینہ
Bhanwar mein museebat ke kashti phansi hai
Karam ki nazar Tajdar-e-Madina
برستا ہے پیہم جہاں ابرِ رحمت
دکھا دے وہی رَہ گزارِ مدینہ
Barasta hai paiham jahan abr-e-rehmat
Dikha de wahi raah guzar-e-Madina
طلب گارِ جنت فدا ہوں نہ کیوں کر
کہ جنت ہے خود جب نثارِ مدینہ
Talabgar-e-jannat fida hoon na kyu kar
Ke jannat hai khud jab nisaar-e-Madina
یہ سینہ ہو عشق رسالت کا مسکن
”مرا دل بنے یادگارِ مدینہ“
Ye seenah ho ishq-e-Rasalat ka maskan
"Mera dil bane yaadgar-e-Madina"
نہ اترے کبھی جیتے جی یا الٰہی
چڑھا ہے جو مجھ پر خمارِ مدینہ
Na utaray kabhi jeetay ji ya Ilahi
Chadha hai jo mujh par khumar-e-Madina
بصارت بصیرت ملے گی اے احمد
لگا آنکھ میں تو غبارِ مدینہ
Basarat baseerat mile gi ay Ahmad
Laga aankh me tu ghubar-e-Madina
Share This Naat
Share with friends and family
زہے عزتِ و افتخارِ مدینہ
مولانا طفیل احمد مصباحی