تقدیر کے سب لعل و گہر لے کے چلا ہوں
آقاؐ کی عنایت کی نظر لے کے چلا ہوں
Taqdeer ke sab laal o gohar le ke chala hoon
Aaqa ki inayat ki nazar le ke chala hoon
تحفے میں عقیدت کا ثمر لے کے چلا ہوں
آقاؐ کی عنایت کی نظر لے کے چلا ہوں
Tohfay mein aqeedat ka samar le ke chala hoon
Aaqa ki inayat ki nazar le ke chala hoon
جس سے بھی سنی بات مدینے کی فضا کی
اس شخص کی صحبت کا اثر لے کے چلا ہوں
Jis se bhi suni baat madinay ki fiza ki
Us shakhs ki sohbat ka asar le ke chala hoon
کافی ہے مجھے آپؐ کا بس اذنِ حضوری
میں زادِ سفر،مال نہ زر لے کے چلا ہوں
Kaafi hai mujhe aap ka bas izn-e-huzoori
Main zaad-e-safar, maal na zar le ke chala hoon
طاہرؔ کو عطا اپنی غلامی وہ کریں گے
دل میں یہی امّیدِِ سفر لے کے چلا ہوں
Tahir ko ata apni ghulami wo karein ge
Dil mein yahi ummeed-e-safar le ke chala hoon
کھلتے ہیں گلاب انؐ سے، مہکتے ہیں انھیؐ سے
میں انؐ کی طرف اپنا ہنر لے کے چلا ہوں
Khilte hain gulaab in se, mehakte hain inhi se
Main in ki taraf apna hunar le ke chala hoon
پھولوں کو مہکنے کی ادا آپؐ نے بخشی
پت جھڑ میں امیدِ گلِ تر لے کے چلا ہوں
Phoolon ko mehakne ki ada aap ne bakshi
Pat jhar mein umeed-e-gul-e-tar le ke chala hoon
تاراجِ خزاں تھا مگر اب ان کے کرم سے
کتنی ہی بہاروں کا اثر لے کے چلا ہوں
Taaraaj-e-khizaan tha magar ab in ke karam se
Kitni hi baharon ka asar le ke chala hoon
اے گنبدِ خضریٰ تیری رحمت کے تصدّق
قسمت میں بہاروں کا ثمر لے کے چلا ہوں
Ae gunbad-e-khazra teri rehmat ke tasadduq
Qismat mein baharon ka samar le ke chala hoon
تاریک مقدّر لیے پہنچا تھا میں بطحا
واللہ! مقدّر کی سحر لے کے چلا ہوں
Tareek muqaddar liye pohancha tha main Batha
Wallah! Muqaddar ki sehar le ke chala hoon
اس دل کی زمیں بانجھ تھی جو روزِ ازل سے
اس پر بھی عنایت کے شجر لے کے چلا ہوں
Is dil ki zameen baanjh thi jo roz-e-azal se
Is par bhi inayat ke shajar le ke chala hoon
سرچشمۂ انوارِ بصیرت میں جو ان سے
میں کَور نظر نورِ بصر لے کے چلا ہوں
Sarchashma-e-anwaar-e-baseerat mein jo in se
Main kaur nazar noor-e-basr le ke chala hoon
ہے آپؐ کے قدموں میں مرا گوہرِ مقصود
قدموں میں جھکانے کو یہ سر لے کے چلا ہوں
Hai aap ke kadmon mein mera gohar-e-maqsood
Kadmon mein jhukanay ko yeh sar le ke chala hoon
’’اقرا‘‘ نے کیا مثلِ حرا دل کو ہے روشن
لگتا ہے کہ جبریلؑ کا پر لے کے چلا ہوں
"Iqra" ne kiya misal-e-Hira dil ko hai roshan
Lagta hai ke Jibreel ka par le ke chala hoon
نعلین مبارک کو ہے جس خاک نے چوما
اس خاک کا آنکھوں میں گہر لے کے چلا ہوں
Naalain mubarak ko hai jis khaak ne chooma
Us khaak ka aankhon mein gohar le ke chala hoon
گھر بار تو کیا آپؐ پہ کرنے کو نچھاور
میں قلب و نظر، جان و جگر لے کے چلا ہوں
Ghar baar to kya aap pe karne ko nichawar
Main qalb o nazar, jaan o jigar le ke chala hoon
حائل ہیں حضوری میں اگر چہ میرے عصیاں
میں آپؐ کی رحمت کی خبر لے کے چلا ہوں
Haa'il hain huzoori mein agar che mere asiyaan
Main aap ki rehmat ki khabar le ke chala hoon
جوہر شبِ اسریٰ نے جو عشاق کو بخشا
سوچوں میں وہ اوجِ بشر لے کے چلا ہوں
Jo har shab-e-Asra ne jo ishaaq ko bakhsha
Sochon mein woh oj-e-bashar le ke chala hoon
عشقِ شہِ والا کی عطائوں کے اثر سے
بخشش کا یقیں پیشِ نظر لے کے چلا ہوں
Ishq-e-shah-e-waala ki ataon ke asar se
Bakhshish ka yaqeen pesh-e-nazar le ke chala hoon
اک خاص سکینت ہے مرے دل کو میسّر
شافع کی شفاعت کا گہر لے کے چلا ہوں
Ek khaas sakeenat hai mere dil ko mayassar
Shaafi ki shafaat ka gohar le ke chala hoon
Share This Naat
Share with friends and family
تقدیر کے سب لعل و گہر لے کے چلا ہوں
پروفیسر محمد طاہر صدیقی