کبھی گُل رُو کے شانوں پر علی مولا عیاں دیکھے
کبھی ابنِ علی سجدے کی حالت میں وہاں دیکھے
kabhi gul roo ke shanon par Ali Maula ayaan dekhe
kabhi ibn-e-Ali sajde ki haalat mein wahan dekhe
کبھی فکرِ رسا میری مؤدت کی سعادت سے
نبی گل رُو کی بستی میں اجالے کا سماں دیکھے
kabhi fikr-e-rasa meri mohabbat ki saadat se
Nabi gul roo ki basti mein ujale ka samaan dekhe
مقامِ مصطفیٰ سمجھے کوئی فہمِ بشر کیونکر
کہ جب نعلین کے زیرِ نگیں سب آسماں دیکھے
maqam-e-Mustafa samjhe koi fahm-e-bashar kyunkar
ke jab nalain ke zer-e-nagin sab aasmaan dekhe
یہ کب آسان مدحت ہے کتابِ رب کی رفعت میں
خدا کی نعت گوئی کو جہاں سارا زماں دیکھے
ye kab aasan madah hai kitaab-e-Rab ki rifaat mein
Khuda ki naat goyi ko jahan saara zamaan dekhe
چلیں روحِ مسلماں کو خدا کے پاس جانے دیں
جہاں پر مرحبا کہتے یہ ساتوں آسماں دیکھے
chalen rooh-e-Musliman ko Khuda ke paas jaane den
jahan par marhaba kehte ye saton aasmaan dekhe
بڑی حیرت ہوئی خضریٰ کے اندر کے مناظر پر
تصور میں فرشتوں کے جہاں پر کارواں دیکھے
bari hairat hui Khizra ke andar ke manazir par
tasawwur mein farishton ke jahan par karwan dekhe
نظر کو جس طرف لوگو اٹھاؤ گے محبت سے
محمد ہی محمد ہیں یہ کہتے عارفاں دیکھے
nazar ko jis taraf logo uthao ge mohabbat se
Mohammad hi Mohammad hain ye kehte arifan dekhe
بہاروں میں جو خوشبو ہے جو نظاروں میں ندرت ہے
نبی کے ہی وسیلے سے یہ ہر جانب سماں دیکھے
baharon mein jo khushbu hai jo nazaron mein nadurat hai
Nabi ke hi waseele se ye har janib samaan dekhe
محمد کا وسیلہ ہی شفاعت کی ضمانت ہے
عنایت ہو جسے قائم وہ جنت کے نشاں دیکھے
Mohammad ka waseela hi shafaat ki zamanat hai
anayaat ho jise qaim woh jannat ke nishaan dekhe
Share This Naat
Share with friends and family
کبھی گُل رُو کے شانوں پر علی مولا عیاں دیکھے
سید حب دار قائم