مدحِ ناقہ سوار لایا ہوں
چند لفظوں کے ہار لایا ہوں
Madah-e-Naqah Sawaar laaya hoon
Chand lafzon ke haar laaya hoon
میں تہی دست اور کیا لاتا
دیدۂ اشکبار لایا ہوں
Main tehi dast aur kya laata
Deedah-e ashkbaar laaya hoon
بہرِ مدحت حروف قد آور
آیتوں سے ادھار لایا ہوں
Behr-e madah haroof qad-aawar
Aayaton se udhaar laaya hoon
زرد موسم تھا دل کے آنگن میں
ان کے در سے بہار لایا ہوں
Zard mausam tha dil ke aangan mein
Un ke dar se bahaar laaya hoon
غازۂ روئے دو جہاں کے لئے
سنگِ در کا غبار لایا ہوں
Ghaaza-e rooye do jahaan ke liye
Sang-e dar ka ghubaar laaya hoon
کوئے رشکِ جناں کی ہر شے کا
عکس دل میں اتار لایا ہوں
Kooye rashk-e janaan ki har shay ka
Aks dil mein utaar laaya hoon
کاسۂ دل میں ان کی چوکھٹ سے
راحتیں بے شمار لایا ہوں
Kaasa-e dil mein un ki chaukhat se
Raahten bay shumaar laaya hoon
بخشوانے کو آستانے پر
میں گناہوں کا بار لایا ہوں
Bakhshwane ko aastane par
Main gunaahon ka bar laaya hoon
وصل اشفاقؔ ہے پسِ فرقت
ہجر کو سوئے دار لایا ہوں
Wasl Ashfaq hai pas-e furqat
Hijr ko sooye daar laaya hoon
Share This Naat
Share with friends and family
مدحِ ناقہ سوار لایا ہوں
اشفاق احمد غوری