محفل وچ بیٹھن والیو آج محفل نوں ہور شنگار لوو
میلاد ہے آج محبوباں دا گندھ صل علی دے بار لوو
Mehfil vich baithan walyo aaj mehfil noo hor shingaar lovo
Meelaad hai aaj mehboobaan da gandh Sal Allah Alai de baar lovo
آج رب سوہنا پیا ونڈ دا اے سر صدقہ یار پیارے دا
آج منگتیو منگنوں سنگیو ناں دامن نوں ہور کھلار لوو
Aaj Rab sohna piya wand da ae sar sadqa yaar pyaare da
Aaj mangtyo manganoo sangiyo naan daaman noo hor khilaar lovo
یوسف نئیں آج تے یوسف دے یوسف نے پردہ چایا اے
اک جلوے توں مل جاناں دا جے تار سکو تے تار لوو
Yousuf nai aaj te yousuf de yousuf ne parda chaaya ae
Ik jalwe toon mil jaana da je taar sako te taar lovo
کر کٹھیاں حوراں ملکاں نوں ، ارشاد خدا فرماندا اے
بن بن کے ٹولیاں آج میرے محبوب دا کر دیدار لوو
Kar khatthiyan hooraan malkaan noo, irshaad Khuda farmaanda ae
Ban ban ke toliyann aaj mere mehboob da kar deedaar lovo
آج دریا رب دی رحمت دا وچ جوش دے صائم آیا اے
اے عاصیو ! بخشے جاؤ گے عیباں دا کر اقرار لوو
Aaj dariya Rab di rehmat da vich josh de saaim aaya ae
Ae aasiya! bakhshe jao ge aibaan da kar iqraar lovo
Share This Naat
Share with friends and family
محفل وچ بیٹھن والیو آج محفل نوں ہور شنگار لوو
علامہ صائم چشتی