زمیناں، آسماناں ساریاں خوشیاں منائیاں نے
مرے سرکارؐ آئے، رحمتاں وی نال آئیاں نے
Zameenaa, aasemaanan saariyan khushiyan manaaiyaan ne
Mere Sarkarؐ aaye, rehmat-aaN vi naal aaiyaan ne
بڑی امید اے، سرکارؐ ایتھے پان گے پھیرا
اساں ایسے لئی بازار تے گلیاں سجائیاں نے
Badi umeed ae, Sarkarؐ ithe paan gay phera
Asaan aise layi bazaar te galiyaan sajaaiyaan ne
جدوں ملیا تے روشن ہوگئی گدڑی حلیمہؓ دی
اوہ جیہڑا لعل سوہنا مکے وچ چھڈیا سی دائیاں نے
Jadon milya te roshan hogayi gadri Haleemaؓ di
Oh jehra laal sohnaa Makke vich chhadya si daaiyaan ne
ایہ سورج، چن، تارے، بدلاں اوہلے ہوگئے سارے
مرے سرکارؐ نے چہرے توں جد زلفاں ہٹائیاں نے
Eh sooraj, chan, taare, badlaan ohle hogaye saare
Mere Sarkarؐ ne chehre toon jad zulfaan hataaiaan ne
مدثر تے مزمل، والضحیٰ، یٰسین تے کوثر
ایہ سبھے سورتاں رب اوہدیاں نعتاں بنائیاں نے
Mudassir te Muzzammil, wazz-Zuha, Yaseen te Kausar
Eh sabhe sooratan Rab ohdiyan naataan banaiyaan ne
ایہ موتی عاشقاں دی اکھیاں وچ سج گئے جیہڑے
ہواواں ٹھنڈیاں سرکارؐ دے شہروں لیائیاں نے
Eh moti aashiqaan di akkhiyaan vich saj gaye jehray
Hawaaan thandiyan Sarkarؐ de Sheharon leyaaiyaan ne
اکھاں وچ ہار ہنجواں دے لباں تے نام سوہنے دا
ظہوریؔ بس اساڈے کول تے ایخو کمائیاں نے
Akkhiaan vich haar hanjwaan de labaan te naam sohne da
Zahooreeؔ bas asade kol te aeikho kamaaiyaan ne
Share This Naat
Share with friends and family
زمیناں، آسماناں ساریاں خوشیاں منائیاں نے
محمد علی ظہوری