زمیں سے گزرتی ہوئی آسماں تک
تری بات پہنچی کہاں سے کہاں تک
Zameen se guzarti hui aasmaan tak
Teri baat pohanchi kahan se kahan tak
عقیدت کے آتے ہیں لاکھوں پڑاؤ
مری داستاں سے تری داستاں تک
Aqeedat ke aate hain laakhon praao
Meri daastan se teri daastan tak
ہر اِک شے کے دامن کو مہکا گئی ہے
تری باس پہنچی جہاں سے جہاں تک
Har ik shay ke daaman ko meheka gayi hai
Teri baas pohanchi jahan se jahan tak
ترا نام ہونٹوں پہ لانے سے پہلے
کئی پھول مہکے ہیں دِل سے زباں تک
Tera naam honton pe laane se pehle
Kayi phool meheke hain dil se zabaan tak
درُودوں کی بارش برستی رہے گی
تری ذات پر کہکشاں کہکشاں تک
Duroodon ki baarish barasti rahe gi
Teri zaat par kahkashaan kahkashaan tak
ترے نام کی گونج دونوں جہاں میں
تری بات پھیلی ہے کون و مکاں تک
Tere naam ki goonj dono jahan mein
Teri baat phaili hai kon o makaan tak
Share This Naat
Share with friends and family
زمیں سے گزرتی ہوئی آسماں تک
انجم نیازی