رگِ جاں ذکرِ احمد سے بہت سرشار ہوتی ہے
میں بھیجوں جب درود ان پر تو پُر انوار ہوتی ہے
Rag-e-jaan zikr-e-Ahmad se bohat sarshaar hoti hai
Main bhejoun jab durood un par to pur anwar hoti hai
کبھی جو کچھ بھی مانگا ہے سخی حسنین کے صدقے
کرم ہر بار ہوتا ہے عطا ہر بار ہوتی ہے
Kabhi jo kuch bhi manga hai sakhi Hasnain ke sadqe
Karam har baar hota hai ata har baar hoti hai
جو کرتے ہیں محبت مصطفیٰ کی آل سے ہر دم
تو ان پر ہر گھڑی پھر رحمتِ غفار ہوتی ہے
Jo karte hain mohabbat Mustafa ki aal se har dam
To un par har ghari phir rehmat-e-Ghaffar hoti hai
نظر کے سامنے رہتا ہے روضہ شاہِ بطحا کا
مقدر سے نگاہِ سیدِ ابرار ہوتی ہے
Nazar ke samne rehta hai roza Shah-e-Batha ka
Muqaddar se nigah-e-Sayyid-e-Abraar hoti hai
بسی ہے ناز کے دل میں محبت کملی والے کی
نہ ہو ان کی ولا تو زندگی بے کار ہوتی ہے
Basi hai Naaz ke dil mein mohabbat Kamli waale ki
Na ho un ki wala to zindagi bekaar hoti hai
Share This Naat
Share with friends and family
رگِ جاں ذکرِ احمد سے بہت سرشار ہوتی ہے
صفیہ ناز