ہوا کے دوش پہ رکھتا ہوں میں جلا کے چراغ
یہ آندھیاں بھی دکھائیں ذرا بجھا کے چراغ
Hawa ke dosh pe rakhta hoon main jala ke charagh
Ye aandhiyan bhi dikhayein zara bujha ke charagh
دل و دماغ پہ چھاتا ہے نُور کا بادل
اٹھا کے ہاتھ، جلاتا ہوں جب دعا کے چراغ
Dil o dimagh pe chhata hai noor ka badal
Utha ke hath, jalata hoon jab dua ke charagh
انہی کے نام چمکتے ہیں آسمانوں پر
جو خونِ دل سے جلایا کیے وفا کے چراغ
Inhi ke naam chamakte hain aasmanon par
Jo khoon e dil se jalaya kiye wafa ke charagh
جہاں بھی جاؤں میں پاتا ہوں روشنی دل میں
دل و نگاہ میں روشن ہیں دلربا کے چراغ
Jahan bhi jaoon main pata hoon roshni dil mein
Dil o nigah mein roshan hain dilruba ke charagh
جلیل غیر کی چوکھٹ پہ بھیک مانگے کیوں
حریم جاں میں ہیں روشن تری عطا کے چراغ
Jaleel ghair ki chaukhat pe bheek maange kyon
Hareem jaan mein hain roshan teri ata ke charagh
Share This Naat
Share with friends and family
ہوا کے دوش پہ رکھتا ہوں میں
حافظ عبدالجلیل