اگر مرے مصطفیٰؐ نہ ہوتے دمِ وجود و عدم نہ ہوتا
نہ ہوتا سورج نہ چاند تارے ،عرب نہ ہوتا عجم نہ ہوتا
Agar mere Mustafaؐ na hote dam-e-wujood o adam na hota
Na hota sooraj na chaand taray, arab na hota ajam na hota
اماوسوں سے ہمیں نکالا، ہمارے عیبوں پہ پردہ ڈالا
نہ آپؐ کرتے جو پردہ پوشی، تو یہ ہمارا بھرم نہ ہوتا
Amawason se humen nikaala, humare aibon pe parda dala
Na aapؐ karte jo parda poshi, to yeh humara bharam na hota
ہیں وجہِ تخلیقِ دو جہاں وہؐ، ہیں وجہِ کُن،وجہِ کُن فکاں وہؐ
جو آپؐ جلوہ فشاں نہ ہوتے تو لوح پر کچھ رقم نہ ہوتا
Hain wajah-e-takhleeq-e-do jahan woؐ, hain wajah-e-kun, wajah-e-kun fakan woؐ
Jo aapؐ jalwa fisha na hote to loh par kuch raqam na hota
سہانے موسم چھپے ہوئے تھے، غموں کے بادل تنے ہوئے تھے
نہ آپؐ زخموں پہ رکھتے مرہم، تو دُکھ کسی طور کم نہ ہوتا
Suhane mausam chhupe hue the, ghamon ke baadal tanay hue the
Na aapؐ zakhamon pe rakhte marham, to dukh kisi tor kam na hota
جہان ہے آپؐ ہی کے دم سے یہ جان ہے آپؐ ہی کے دم سے
نہ آپؐ کا نور خلق ہوتا ، جہاں ، خدا کی قسم نہ ہوتا
Jahan hai aapؐ hi ke dam se yeh jaan hai aapؐ hi ke dam se
Na aapؐ ka noor khalq hota, jahan, Khuda ki qasam na hota
خدا کا در بھی دکھایا مجھ کو،خدا کے در پر جھکایا مجھ کو
نہ آپؐ ہوتے تو سر یہ میرا، خدا کے آگے بھی خم نہ ہوتا
Khuda ka dar bhi dikhaya mujh ko, Khuda ke dar par jhukaya mujh ko
Na aapؐ hote to sar yeh mera, Khuda ke aage bhi kham na hota
دل و نظر کے قرار آقاؐ ،ہمارے ہیں غم گسار آقاؐ
نہ آپؐ کرتے یہ غم گساری تو پھر مداوائے غم نہ ہوتا
Dil o nazar ke qarar Aqaؐ, humare hain gham gusaar Aqaؐ
Na aapؐ karte yeh gham gusari to phir madawaye gham na hota
شفاعتوں سے ملا سہارا، کہ ڈوبتوں کو ملا کنارا
نہ آپؐ آتے شفیع بن کر تو ہم پہ اتنا کرم نہ ہوتا
Shafa’aton se mila sahara, ke doobaton ko mila kinara
Na aapؐ aate shafi bana kar to hum pe itna karam na hota
Share This Naat
Share with friends and family
اگر مرے مصطفیٰؐ نہ ہوتے دمِ وجود و عدم نہ ہوتا
اشفاق احمد غوری