اعزاز ہے اس در کی گدائی تو عجب کیا
حاصل ہے ہمیں بھی یہ بڑائی تو عجب کیا
Aizaz hai is dar ki gudai to ajab kya
hasil hai humein bhi ye barai to ajab kya
میں دور ہوں ان سے وہ مگر دور نہیں ہیں
گر جائے یہ دیوارِ جدائی تو عجب کیا
Main dur hun un se wo magar dur nahi hain
Gir jaye ye deewar-e-judaai to ajab kya
ہے ان کے سوا کون مرے درد سے واقف
گھبرا کے میں دوں انکی دُہائی تو عجب کیا
Hai un ke siwa kon mere dard se waaqif
Ghabra ke main doon un ki duhai to ajab kya
دیکھو انہیں دیکھو مجھے کیا دیکھ رہے ہو
بن جائے برائی بھی بھلائی تو عجب کیا
Dekho unhein dekho mujhe kya dekh rahe ho
Ban jaye burai bhi bhalai to ajab kya
سرکارؐ کی نسبت کے کرشمے ہیں نرالے
بھاری ہو پہاڑوں پہ بھی رائی تو عجب کیا
Sarkar ke nisbat ke karishme hain nirale
Bhaari ho paharon pe bhi raai to ajab kya
محدود نہیں وسعتِ دامانِ شفاعت
محشر میں ہو سب کی ہی رہائی تو عجب کیا
Mehdood nahi wusat-e-daman-e-shafaat
Mahshar mein ho sab ki hi rehayi to ajab kya
یہ فاصلے منہ دیکھتے ر ہ جائیں کرم کا
ہو ان کی یہیں جلوہ نمائی تو عجب کیا
Ye faasle munh dekhte rahe jayein karam ka
Ho un ki yahin jalwa namai to ajab kya
دامانِ محمدؐ کے تجسس میں ہیں آنسو
لگ جائے ٹھکانے یہ کمائی تو عجب کیا
Daman-e-Mohammad ke tajassus mein hain aansu
Lag jaye thikana ye kamayee to ajab kya
محبوب ِ خدا ہیں وہ خدا تو نہیں خالدؔ
پھر بھی ہے اگر ان کی خدائی تو عجب کیا
Mehboob-e-Khuda hain wo Khuda to nahi Khalid
Phir bhi hai agar un ki Khudai to ajab kya
Share This Naat
Share with friends and family
اعزاز ہے اس در کی گدائی تو عجب کیا
خالد محمود خالد