ماہِ تاباں تو ہوا مہرِ عجم ماہِ عرب
ہیں ستارے اَنبیا مہرِ عجم ماہِ عرب
maah-e-taabaan to hua mehr-e-ajam maah-e-arab
hain sitare anbiya mehr-e-ajam maah-e-arab
ہیں صفاتِ حق کے نوری آئینے سارے نبی
ذاتِ حق کا آئینہ مہرِ عجم ماہِ عرب
hain sifaat-e-haq ke noori aayene sare nabi
zaat-e-haq ka aayena mehr-e-ajam maah-e-arab
کب ستارا کوئی چمکا سامنے خورشید کے
ہو نبی کیسے نیا مہرِ عجم ماہِ عرب
kab sitara koi chamka samne khursheed ke
ho nabi kese naya mehr-e-ajam maah-e-arab
آپ ہی کے نور سے تابندہ ہیں شمس و قمر
دل چمک جائے مرا مہرِ عجم ماہِ عرب
aap hi ke noor se taabinda hain shams o qamar
dil chamak jaye mera mehr-e-ajam maah-e-arab
قبر کا ہر ذَرَّہ اِک خورشیدِ تاباں ہو ابھی
رُخ سے پردہ دو ہٹا مہرِ عجم ماہِ عرب
qabr ka har zarrah ik khursheed-e-taabaan ho abhi
rukh se parda do hta mehr-e-ajam maah-e-arab
کوچۂ پُرنور کا ہر ذَرَّہ رَشکِ مہر ہے
واہ کیا کہنا ترا مہرِ عجم ماہِ عرب
koocha-e-purnoor ka har zarrah rashk-e-mehr hai
wah kya kehna tera mehr-e-ajam maah-e-arab
رُوسیہ ہوں منہ اُجالا کر مرا جانِ قمر
صبح کر یا چاندنا مہرِ عجم ماہِ عرب
rusiya hoon munh ujala kar mera jaan-e-qamar
subah kar ya chandna mehr-e-ajam maah-e-arab
نَیّرِ چرخِ رِسالت جس گھڑی طالع ہوا
اَوج پر تھا غَلغَلہ مہرِ عجم ماہِ عرب
naiyar-e-charkh-e-risalat jis ghari taley hua
aoj par tha ghalghala mehr-e-ajam maah-e-arab
آپ نے جب مشرقِ اَنوار سے فرمایا طلوع
دامنِ شب پھٹ گیا مہرِ عجم ماہِ عرب
aap ne jab mashriq-e-anwaar se farmaaya tulu
daaman-e-shab phat gaya mehr-e-ajam maah-e-arab
ظلمتِ شب مٹ گئی جب آپ جلوہ گر ہوئے
رات تھی پَر دِن ہوا مہرِ عجم ماہِ عرب
zulmat-e-shab mit gayi jab aap jalwa gar hue
raat thi par din hua mehr-e-ajam maah-e-arab
تم نے مغر ب سے نکل کر اِک قیامت کی بپا
کافروں پر سروَرا مہرِ عجم ماہِ عرب
tum ne maghrib se nikal kar ik qayamat ki bapa
kaafiron par sarwara mehr-e-ajam maah-e-arab
آفتابِ ہاشمی تو غرب سے طالع ہو پھر
کر سویرا نور کا مہرِ عجم ماہِ عرب
aaftaab-e-hashmi to garab se taley ho phir
kar savera noor ka mehr-e-ajam maah-e-arab
حق کے پیارے نور کی آنکھوں کے تارے ہو تمہیں
نورِ چشمِ اَنبیا مہرِ عجم ماہِ عرب
haq ke pyaare noor ki aankhon ke tare ho tum
noor-e-chashm-e-anbiya mehr-e-ajam maah-e-arab
زُلفِ والا کی صفت وَاللَّیْل ہے قرآن میں
اور رُخ کی وَالضُّحٰی مہرِ عجم ماہِ عرب
zulf-e-wala ki sifat wal-lail hai quran mein
aur rukh ki wad-duha mehr-e-ajam maah-e-arab
ظلمتیں سب مٹ گئیں ناری سے نوری ہوگیا
جس کے دل میں بس گیا مہرِ عجم ماہِ عرب
zulmatein sab mit gayin naari se noori hogaya
jis ke dil mein bas gaya mehr-e-ajam maah-e-arab
ظلمتوں پر ظلمتیں ہیں میرے مولیٰ قبر میں
اب تو اپنا منہ دکھا مہرِ عجم ماہِ عرب
zulmaton par zulmatein hain mere maula qabr mein
ab to apna munh dikha mehr-e-ajam maah-e-arab
مہر فرما مہر سے عصیاں کی ظلمت محو کر
جلوہ فرما ہو ذرا مہرِ عجم ماہِ عرب
mehr farma mehr se asyan ki zulmat mehv kar
jalwa farma ho zara mehr-e-ajam maah-e-arab
نور سے معمور ہو جائے مرا سینہ اگر
دل پہ رکھ دے اپنا پا مہرِ عجم ماہِ عرب
noor se maamoor ho jaye mera seena agar
dil pe rakh de apna paa mehr-e-ajam maah-e-arab
اِک اشارے سے قمر کے تم نے دو ٹکڑے کئے
مرحبا صد مرحبا مہرِ عجم ماہِ عرب
ik ishare se qamar ke tum ne do tukde kiye
marhaba sad marhaba mehr-e-ajam maah-e-arab
نور کی سرکار ہے تو بھیک بھی نوری ملے
قلب نوریؔ جگمگا مہرِ عجم ماہِ عرب
noor ki sarkar hai to bheek bhi noori mile
qalb noori jagmaga mehr-e-ajam maah-e-arab
Share This Naat
Share with friends and family
ماہِ تاباں تو ہوا مہرِ عجم ماہِ عرب
مفتی مصطفٰی رضا خان