شاہِ کونین کا سنگِ در چھو لیا
گویا خاکِ عجم نے قمر چھو لیا
Shah-e-Konain ka sang-e-dar chu liya
Goya khak-e-ajam ne qamar chu liya
میرے لفظوں کو رتبہ ملا نعت کا
میرے خامہ نے اوجِ ہنر چھو لیا
Mere lafzo ko rutba mila naat ka
Mere khama ne oaj-e-hunar chu liya
جب نظر نے چھوا گنبدِ سبز کو
اک اماوس نے روئے سحر چھو لیا
Jab nazar ne chua gunbad-e-sabz ko
Ek amawas ne roye sehr chu liya
جس کی تنصیب دستِ کرم سے ہوئی
مجھ گنہگار نے وہ حجر چھو لیا
Jis ki tnasib dast-e-karam se hui
Mujh gunehgaar ne woh hajar chu liya
دل مدینے کی خاطر مچلنے لگا
زائروں کا جو رختِ سفر چھو لیا
Dil Madine ki khatir machalne laga
Zaairon ka jo rakht-e-safar chu liya
جس پہ رہتے ہیں حاضر ہزاروں ملک
میری پلکوں نے وہ مستقر چھو لیا
Jis pe rehte hain haazir hazaron malak
Meri palkon ne woh mastaqr chu liya
آپ کا واسطہ دے کے مانگی گئیں
سب دعاؤں نے بابِ اثر چھو لیا
Aap ka waasta de ke maangi gayin
Sab duaon ne bab-e-asar chu liya
لفظ نے چھو لیے مدحتوں کے قدم
خشک ٹہنی نے شیریں ثمر چھو لیا
Lafz ne chu liye madhaton ke qadam
Khusk thani ne sheerein samar chu liya
Share This Naat
Share with friends and family
شاہِ کونین کا سنگِ در چھو لیا
اشفاق احمد غوری