حضور ؐطیبہ کے رات اور دن مجھے بہت یاد آرہے ہیں
کوئی مرے کان میں یہ کہہ دے حضورؐ تجھ کو بلا رہے ہیں
Huzoor (ﷺ) tayyiba ke raat aur din mujhe bohat yaad a rahe hain
Koi mere kaan mein ye keh de huzoor(ﷺ) tujhe bula rahe hain
وہی مری جان ، جان ِجاں ہیں جو وجہِ تخلیقِ دو جہاں ہیں
نمیدہ پلکیں بچھائے رکھیے حضورؐ تشریف لا رہے ہیں
Wohi meri jaan, jaan-e-jaan hain jo wajah-e-takhleeq-e-do jahan hain
Nameeda palken bichaye rakhiye huzoor(ﷺ) tashreef la rahe hain
کہاں زبان و کلام میرا، کہاں ثنائے حضورِ والاؐ
کرم ہے اُنؐ کا کہ مجھ سے عاصی نبی ؐکی نعتیں سنا رہے ہیں
Kahan zaban o kalam mera, kahan sanaye huzoor-e-wala (ﷺ)
Karam hai unka (ﷺ) ke mujh se aasi Nabi(ﷺ) ki naatein suna rahe hain
عطائے ربِ کریم ہیں وہؐ، کریم بے حد کریم ہیں وہؐ
خدا نے کوثر عطا کیا ہے بلا بلا کر پلا رہے ہیں
A'taye Rab-e-Kareem hain woh(ﷺ), Kareem be had Kareem hain woh(ﷺ)
Khuda ne Kausar a'ta kya hai bula bula kar pila rahe hain
درِ نبیؐ پر اگر ہو جانا تو اپنی آواز پست رکھنا
قسم خدا کی حروفِ قرآں ادب نبیؐ کا سکھا رہے ہیں
Dar-e-Nabi(ﷺ) par agar ho jana to apni aawaaz past rakhna
Qasam khuda ki huroof-e-Quran adaab Nabi(ﷺ) ka sikha rahe hain
مرا بھی ایسا نصیب ہوتا کہ میں بھی اُنؐ کے قریب ہوتا
یہ صدیوں کے فاصلے نہ ہوتے یہ فاصلے بھی رُلا رہے ہیں
Mera bhi aisa naseeb hota ke mein bhi un(ﷺ) ke qareeb hota
Ye sadyon ke faasle na hote ye faasle bhi rula rahe hain
جہان سارا اُمڈ رہا ہے ہمارا دل بھی مچل رہا ہے
سنا ہے قاسمؐ ، کریمؐ ، داتاؐ کرم کی دولت لٹا رہے ہیں
Jahan saara umad raha hai hamara dil bhi machal raha hai
Suna hai Qasim(ﷺ), Kareem(ﷺ), Daata(ﷺ) karam ki dolat luta rahe hain
دیا ہے رَبّ نے حبیبؐ اپنا بہت بڑا ہے نصیب اپنا
عظیم نعمت عطا ہوئی ہے تبھی تو خوشیاں منا رہے ہیں
Diya hai RAB ne Habeeb(ﷺ) apna bohat bara hai naseeb apna
Azeem naimat a'ta hui hai tabhi to khushiyan mana rahe hain
کبھی تو اشفاقؔ ہو گا آخر ہمیں وہ جلوہ کہ جس کی خاطر
کروڑوں پلکیں بچھی ہوئی ہیں کروڑوں پلکیں بچھا رہے ہیں
Kabhi to Ashfaq(ؔ) ho ga aakhir humein woh jalwa ke jis ki khatir
Karoron palken bichi hui hain karoron palken bicha rahe hain
Share This Naat
Share with friends and family
حضور ؐطیبہ کے رات اور دن مجھے بہت یاد آرہے ہیں
اشفاق احمد غوری