چلو دیار نبیﷺ کی جانب درود لب پر سجا سجا کر
بہاریں لوٹیں گے ہم کرم کی دلوں میں دامن بنا بنا کر
Chalo deyar e Nabi ﷺ ki janib durood lab par saja saja kar
Bahaaren lautenge hum karam ki dilo mein daaman bana bana kar
نہ ان کے جیسا سخی ہے کوئی نہ ان کے جیسا غنی ہے کوئی
وہ بے نواوں کو ہر جگہ سے نوازتے ہیں بلا بلا کر
Na un ke jesa sakhi hai koi na un ke jesa ghani hai koi
Wo be-nawao ko har jagah se nawazte hain bula bula kar
ہماری ساری ضرورتوں پر کفالتوں کی نظر ہے ان کی
وہ جھولیاں بھر رہے ہیں سب کی کرم کے موتی لٹا لٹا کر
Hamari sari zaruraton par kafilaton ki nazar hai un ki
Wo jholiyan bhar rahe hain sab ki karam ke moti luta luta kar
وہ راہیں اب تک سجی ہوئی ہیں دلوں کا کعبہ نبی ہوئی ہے
جہاں جہاں سے حضورﷺ گزرے ہیں نقش اپنا جما جما کر
Wo rahein ab tak saji hui hain dilon ka Kaaba nabi hui hai
Jahan jahan se Huzoor ﷺ guzre hain naqsh apna jama jama kar
ہے ان کو امت سے پیار کتنا کرم ہے رحمت شعار کتنا
ہمارے جرموں کو دھو رہے ہیں حضورﷺ آنسو بہا بہا کر
Hai un ko ummat se pyaar kitna karam hai rehmat shi'ar kitna
Hamare jurm ko dho rahe hain Huzoor ﷺ aansoo baha baha kar
میں ایسا عاصی ہوں جس کی جھولی میں کوئی حسن عمل نہیں ہے
مگر وہ احسان کر رہے ہیں خطائیں میری چھپا چھپا کر
Main aesa asi hun jis ki jholi mein koi husne amal nahi hai
Magar wo ehsan kar rahe hain khataen meri chhupa chhupa kar
یہی اثاثہ عمل ہے میری اسی سے بگڑی بنی ہے میری
سمیٹتا ہوں کرم خدا کا ، نبیﷺ کی نعتیں سنا سنا کر
Yahi asasa amal hai meri isi se bigdi bani hai meri
Samaet'ta hun karam Khuda ka, Nabi ﷺ ki naatein suna suna kar
اگر مقدر نے یاوری کی اگر مدینے گیا میں خالد
قدم قدم خاک اس گلی کی چوم لوں گا اٹھا اٹھا کر
Agar muqaddar ne yaari ki agar Madine gaya main Khalid
Qadm qadm khaak is gali ki choom lun ga utha utha kar
Share This Naat
Share with friends and family
چلو دیار نبیﷺ کی جانب
خالد محمود خالد