شہر نبیؐ کے منبر و مینار چُومنا
جی بھر کے سارے کوچہ و بازار چُومنا
Shehr e Nabiؐ ke minbar o menar choomna
Ji bhar ke sarey koocha o bazaar choomna
پڑھنا نماز مسجدِ نبویؐ کے صحن میں
سجدے میں جا کے فرش کی مہکار چُومنا
Parhna namaz masjid e nabwiؐ ke sehan mein
Sajday mein ja ke farsh ki mehkhar choomna
دونوں جہاں میں جس کی نہیں ہے کوئی مثال
اُس سرزمینِ خُلد کے انوار چُومنا
Dono jahan mein jis ki nahin hai koi misaal
Us sarzameen e khuld ke anwaar choomna
پیڑوں کی شاخ شاخ سے ملنا برنگِ ابر
پیڑوں کی شاخ شاخ کے اثمار چُومنا
Pedon ki shaakh shaakh se milna barang e abr
Pedon ki shaakh shaakh ke asmar choomna
رکھنا نہ اپنے آپ کو محرومِ التفات
ہر نقشِ لازوال کے رُخسار چُومنا
Rakhna na apne aap ko mehroom e iltifaat
Har naqsh e la-zawal ke rukhsar choomna
ہر اک الاپتا ہے وہاں نغمۂ درُود
ہر طائرِ جمال کی منقار چُومنا
Har aik alaapta hai wahan naghma e darood
Har taair e jamaal ki manqar choomna
انجؔم تجھے ہو اُن کی زیارت اگر نصیب
پلکوں سے اُن کے نُور کی دستار چُومنا
Injam tujhe ho un ki ziarat agar naseeb
Palkon se un ke noor ki dastar choomna
Share This Naat
Share with friends and family
شہر نبیؐ کے منبر و مینار چُومنا
انجم نیازی