چشمِ بے چین کا چین ‘ دل کا سکوں ‘ روحِ انساں کی لذّت مدینے میں ہے
جاہ و منصب کا ہونا بڑی شے سہی پر مسلماں کی عزّت مدینے میں ہے
Chashm-e-be chain ka chain ' dil ka sukoon ' rooh-e-insaan ki lazat Madine mein hai
Jaah o mansab ka hona bari shay sahi par musalman ki izzat Madine mein hai
ہر مسلمان جویائے ایمان ہے کیونکہ ایمان ہی اس کی پہچان ہے
ہاں مگر یہ حقیقت ہے ایمان کی روح پرورحلاوت مدینے میں ہے
Har musalman jovaye imaan hai kyunke imaan hi us ki pehchaan hai
Haan magar yeh haqeeqat hai imaan ki rooh parwar halawat Madine mein hai
ہے کسی کی تمنا کہ دولت ملے اور کسی کی ہے خواہش کہ جنت ملے
مومنوں کی ہے دولت درِ مصطفٰےؐ اہلِ ایماں کی جنت مدینے میں ہے
Hai kisi ki tamanna ke dolat mile aur kisi ki hai khwahish ke jannat mile
Mo'minon ki hai daulat dar-e-Mustafaﷺ ahl-e-imaan ki jannat Madine mein hai
عشق سرکارؐ میں جو بھی سر شار ہے اُس کی منزل فقط اُن کا دیدار ہے
اُس کے غم کا نہیں ہے مداوا کوئی اُس پریشاں کی راحت مدینے میں ہے
Ishq Sarkarﷺ mein jo bhi sar shaar hai us ki manzil fakat un ka deedaar hai
Us ke gham ka nahi hai madawa koi us pareshan ki raahat Madine mein hai
مانگنے کا سلیقہ اگر پاس ہو اور طلب میں ذرا سا بھی اخلاص ہو
اپنے دامن کو جاکر پسارو وہیں ‘ ساری دنیا کی ثروت مدینے میں ہے
Mangne ka saliqa agar paas ho aur talab mein zara sa bhi ikhlaas ho
Apne daaman ko jaakar pasar o wahin ' saari duniya ki sarwat Madine mein hai
اے جلیل! اُن کے در کی گدائی ملے ‘ اس سے بڑھ کر تو کوئی بھی منصب نہیں
میرے دل کی تمنا یہی ہے فقط میرے ایماں کی چاہت مدینے میں ہے
Ae Jaleel! un ke dar ki gadaai mile ' is se barh kar to koi bhi mansab nahi
Mere dil ki tamanna yehi hai fakat mere imaan ki chahat Madine mein hai
Share This Naat
Share with friends and family
چشمِ بے چین کا چین ‘ دل کا سکوں
حافظ عبدالجلیل