قطرہ مانگے جو کوئی ‘ تُو اُسے دَریا دے دے
مجھے کو کچھ اور نہ دے ‘ اپنی تمنّا دے دے
Qatra maange jo koi ' tu usay darya day day
Mujhe ko kuch aur na day ' apni tamana day day
میں تو تجھ سے فقط اِک نقشِ کفِ پا چاہوں
تو جو چاہے تو مجھے جنتِ ماویٰ دےدے
Main to tujh se faqat ik naqsh-e-kaf-e-pa chahoon
Tu jo chahe to mujhe jannat-e-mawa day day
وہ جو آسودگی چاہیں ‘ اُنہیں آسودہ کر
بے قراری کی لطافت مجھے تنہا دے دے
Woh jo asoodgi chahen ' unhein asooda kar
Beqarari ki latafat mujhe tanha day day
میں اِس اعزاز کے لائق تو نہیں ہوں ‘ لیکن
مجھ کو ہمسائیگئ گنبدِ خضرا دے دے
Main is aizaaz ke laayak to nahi hoon ' lekin
Mujh ko hamsaayegi gunbad-e-khazra day day
یوں تو جب چاہوں ‘ میں تیرا رُخِ زیبا دیکھوں
عرض یہ ہے کہ مجھے اِذنِ تماشا دے دے
Youn to jab chaahoon ' main tera rukh-e-zeeba dekhon
Arz ye hai ke mujhe izn-e-tamasha day day
وہ بھی دیکھیں پَسِ ہر حرف تیری جلوہ گری
سب کو تُو میری طرح دیدہ ء بینا دے دے
Woh bhi dekhen pas-e-har harf teri jalwagari
Sab ko tu meri tarah deeda-e-beena day day
غم تو اِس دَور کی تقدیر میں لِکھّے ہیں ‘ مگر
مجھ کو ہر غم سے نمٹ لینے کا یارا دے دے
Gham to is daur ki taqdeer mein likhe hain ' magar
Mujhe har gham se nimat lene ka yaara day day
تب سمیٹوں میں ترے ابرِ کرم کے موتی
میرے دامن کو جو تو وسعتِ صحرا دے دے
Tab sametoon main tere abr-e-karam ke moti
Mere daaman ko jo tu wusat-e-sehra day day
تیری رحمت کا یہ اعجاز نہیں تو کیا ہے
قدم اُٹھیں تو زمانہ مجھے رَستا دے دے
Teri rehmat ka ye aijaz nahi to kya hai
Qadam uthain to zamana mujhe rasta day day
جب بھی تھک جائے محبت کی مسافت میں ندیم ؔ
تب ترا حسن بڑھے اور سنبھالا دے دے
Jab bhi thak jaye mohabbat ki masafat mein Nadeem
Tab tera husn barhe aur sambhaala day day
Share This Naat
Share with friends and family
قطرہ مانگے جو کوئی
احمد ندیم قاسمی