نبیؐ کا نام بھی آرام جاں ہے
نبیؐ کی ذات بھی روح رواں ہے
Nabiؐ ka naam bhi aaram e jaan hai
Nabiؐ ki zaat bhi rooh rawaan hai
وہی عنوانِ تخلیق جہاں ہے
وہی دانائے راز کن فکاں ہے
Wohi unwaan e takhleeq e jahaan hai
Wohi danaa-e-raaz-e-kun fakaan hai
وہی سردار جملہ ہادیاں ہے
وہی سرخیلِ کُل پیغمبراں ہے
Wohi sardar e jumla haadiyaan hai
Wohi sarkhail-e-kul paighambaran hai
وہی سر تاجِ جُملہ تاج داراں
وہی صدرُ الصدّورِ سروراں ہے
Wohi sartaj e jumla tajdaran
Wohi sudr-us-sudoor-e-sarwaran hai
وہی گہوارہء حلقہ بگوشاں
وہی آماج گاہِ عاشقاں ہے
Wohi gahwara-e-halaqa bagoosh-shaan
Wohi aamaaj gah e aashiqan hai
وہی دارالامانِ غم نصیباں
وہی منزل گہِ بے چار گاں ہے
Wohi dar-ul-amaan e gham naseebaan
Wohi manzil gah e bechaaragaan hai
وہی دارالشفائے اہلِ ایماں
وہی مشکل کشائے مومناں ہے
Wohi dar-ul-shifaa e ehl e imaan
Wohi mushkil kusha e mominaan hai
وہی دست گیر مومناں ہے
وہی رحمت برائے عاصیاں ہے
Wohi dast-e-geer e mominaan hai
Wohi rehmat baraaye aasiyan hai
وہی ہے بے سہاروں کا سہارا
وہی لاوارثوں کا پاسباں ہے
Wohi hai be-saharon ka sahaara
Wohi lawaarison ka paasbaan hai
وہی بے آسروں کا آسرا ہے
وہی بھٹکے ہوؤں کا آشیاں ہے
Wohi be-asron ka aasra hai
Wohi bhatke huon ka aashiyaan hai
اسی کے دَم سے ہے کونین روشن
وہی رونق دہِ ہفت آسماں ہے
Usi ke dam se hai kaunin roshan
Wohi ronak deh e haft aasmaan hai
بڑائی اور اس کی کیا بیاں ہو
کہ خود اللہ اُس کا مدح خواں ہے
Baraai aur us ki kya bayaan ho
Ke khud Allah us ka madh khaan hai
بڑے تو اور بھی ہیں اس جہاں میں
مگر اتنا بڑا کوئی کہاں ہے
Baday to aur bhi hain is jahaan mein
Magar itna bara koi kahaan hai
Share This Naat
Share with friends and family
نبیؐ کا نام بھی آرام جاں ہے
پروفیسراقبال عظیم