جب بھی گھیرا ہے دُکھوں نے تو ثنا خوانی کی
بہرِ تسکین درودوں کی فراوانی کی
Jab bhi ghera hai dukhon ne to sana khwani ki
Behr-e taskeen duroodon ki farawani ki
لاکھ پردوں میں ترا حسن چھپایا رب نے
کوئی بھی مثل نہیں پیکرِ نورانی کی
Laakh pardon mein tera husn chhupaya Rab ne
Koi bhi masl nahi paikar-e noorani ki
ان کی دہلیز سے ہے ربط اگر غم نہ کرو
اُن کے ہوتے ہوئے کیا بات پریشانی کی
Un ki dehleez se hai rabt agar gham na karo
Un ke hote huye kya baat pareshani ki
جس سفینے پہ ترا اسمِ مبارک دیکھا
اُس کی طوفان نے خود آکے نگہبانی کی
Jis safeene pe tera ism-e mubarak dekha
Us ki toofaan ne khud aake nigahbani ki
سب سلاطینِ جہاں بول اُٹھے حشر کے دن
ہائے افسوس کہ کیوں نہ تری دربانی کی
Sab salateen-e jahan bol uthe hashr ke din
Haye afsos ke kyon na teri darbani ki
اِک نظر ڈال دے اے شاہِ عرب منگتے پر
اور تصویر بدل دے مری ویرانی کی
Ik nazar dal de ae Shah-e Arab mangte par
Aur tasveer badal de meri weerani ki
اپنے آقاؐ کی غلامی پہ سدا ناز رہے
آخرت میں بھی سند ہے یہی سلطانی کی
Apne aaqa ki ghulami pe sada naaz rahe
Aakhirat mein bhi sanad hai yehi sultani ki
آپ کا پیارا ملا دولتِ کونین ملی
اب مجھے فکر کہاں بے سرو سامانی کی
Aap ka pyaara mila daulat-e konain mili
Ab mujhe fikar kahan be saro samani ki
دیکھ کر کیسے انوکھے ہیں فدائی تیرے
کفر تصویر بنا بیٹھا ہے حیرانی کی
Dekh kar kaise anokhe hain fidaai tere
Kufr tasveer bana baitha hai herani ki
رفعتِ نقشِ قدم ڈھونڈ سکے ناممکن
اتنی پرواز کہاں تختِ سلیمانی کی
Rifat-e naqsh-e qadam dhoondh sake namumkin
Itni parwaaz kahan takht-e Sulaimani ki
ایسے مومن کیلئے قربِ نبیؐکی ہے نوید
تنگ دستوں کیلئے جس نے بھی آسانی کی
Aise momin ke liye qurb-e Nabi ki hai naveed
Tang daston ke liye jis ne bhi aasani ki
آپ سے پہلے تو بچھڑا رہا انساں رب سے
سجدہ ریزی کہاں قسمت میں تھی پیشانی کی
Aap se pehle to bichhra raha insaan Rab se
Sajda rezi kahan qismat mein thi peshaani ki
تیرے اصحابؓ کی تاریخِ بشر میں آقاؐ
کوئی بھی مثل نہ مل پائے گی قربانی کی
Tere ashaab ki tareekh-e bashar mein aaqa
Koi bhi masl na mil payegi qurbani ki
دعویِٰ عشق نہ کرنا کبھی اشکوں کے عوض
تجھ سے لاکھوں نے شکیلؔ ایسی ہی نادانی کی
Daawa-e ishq na karna kabhi ashkon ke evz
Tujh se laakhon ne Shakeel aisi hi nadani ki
Share This Naat
Share with friends and family
جب بھی گھیرا ہے دُکھوں نے تو ثنا خوانی کی
محمد شکیل نقشبندی