سر نامہ جمال مدینہ رسُول کا
سر چشمہء نوال مدینہ رسُول کا
Sar namah jamal Madinah Rasool ka
Sar chashmah-e-nawal Madinah Rasool ka
آب و ہوا ہے جس کی مداوائے رنج و غم
لطف کرم کی جھال مدینہ رسُول کا
Aab o hawa hai jis ki madowa-e-ranj o gham
Lutf karam ki jhal Madinah Rasool ka
ٹھہری تھی جس پہ سیّدِؐ کونین کی نظر
وہ نقطہء کمال مدینہ رسُول کا
Thehri thi jis pe Syed-e-konain ki nazar
Woh nuqta-e-kamal Madinah Rasool ka
انفاسِ مصؐطفےٰ سے مہکتا ہے آج بھی
وہ شہرِ بے مثال مدینہ رسُول کا
Anfas-e-Mustafa se mehakta hai aaj bhi
Woh shehr-e-bemisal Madinah Rasool ka
ہر دل کی آرزو ہے وہ کاشانہء وفا
ہر آنکھ کا سوال مدینہ رسُول کا
Har dil ki aarzoo hai woh kashanah-e-wafa
Har aankh ka sawal Madinah Rasool ka
ٹھہرا جہاں پہ قافلہء نو بہار ہے
ذرّوں سے جس کے قدرتِ حق آشکار ہے
Thehra jahan pe qaflah-e-nau bahar hai
Zarron se jiske qudrat-e-haq aashkar hai
مقصودِ کائنات دیارِ حبیبؐ ہے
ملجائے شش جہات دیارِحبیبؐ ہے
Maqsood-e-kainaat dayar-e-Habib hai
Maljaye shash jahaat dayar-e-Habib hai
طوفانِ شر سے ہر کوئی محفوظ ہے جہاں
وہ ساحلِ نجات دیارِحبیبؐ ہے
Toofan-e-shar se har koi mehfooz hai jahan
Woh saahil-e-najat dayar-e-Habib hai
دامن سے جس کے دورِ سعادت ہوا طلوع
وہ مطلعِ حیات دیارِحبیبؐ ہے
Daman se jis ke dour-e-sa'adat hua tulu
Woh matla-e-hayat dayar-e-Habib hai
وہ جس میں نور پاش حرم ہے حضورؐ کا
ارضِ تجلّیات دیارِحبیبؐ ہے
Woh jis mein noor paash haram hai Huzoor ka
Arz-e-tajalliyat dayar-e-Habib hai
آثار جس میں خندق و بدر واحد کے ہیں
وہ خطّہ ثبات دیارِحبیبؐ ہے
Asaar jis mein Khandak o Badr o Uhud ke hain
Woh khittah saabat dayar-e-Habib hai
ہر گوشہ اس کا مر جع لیل و نہار ہے
تاریخ ِ اہلِ حق کا وہ آئینہ دار ہے
Har goshah us ka mar ja lail o nahar hai
Tareekh-e-ahl-e-haq ka woh aayeena daar hai
محبوب اِنس و جاں ہے مدینہ منّورہ
دنیا ہے جسم، جاں ہے مدینہ منّورہ
Mahboob ins o jaan hai Madinah Munawwarah
Duniya hai jism, jaan hai Madinah Munawwarah
کون و مکاں کے تپتے ہوئے ریگ زار میں
رحمت کا سائباں ہے مدینہ منّورہ
Kon o makaan ke tapte hue regzaar mein
Rehmat ka saayah hai Madinah Munawwarah
کس شان سے جہاں کے اندھیروں کے درمیاں
گل بار و ضو فشاں ہے مدینہ منّورہ
Kis shaan se jahan ke andheron ke darmiyan
Gul bar o zou fishaan hai Madinah Munawwarah
لہروں کے جزر و مد سے سفینہ ہے بے نیاز
وہ جس کا بادباں ہے مدینہ منّورہ
Lehron ke jazr o mad se safeena hai be niyaz
Woh jis ka badbaan hai Madinah Munawwarah
جس کی پناہ میں ہیں سبھی بیکسانِ دہر
وہ گوشہ اماں ہے مدینہ منّورہ
Jis ki panah mein hain sabhi baiksaan-e-dahr
Woh goshah amaan hai Madinah Munawwarah
وہ رحمتِ تمام کا نوریں دیار ہے
ہر جاں کو اس دیار میں حاصل قرار ہے
Woh rehmat-e-tamaam ka nooreen dayar hai
Har jaan ko us dayar mein hasil qarar hai
خاتم جہاں ، نگیں ہے مدینے کی سر زمیں
ہر دل میں جاگزیں ہے مدینے کی سر زمیں
Khatam jahan, nageen hai Madinah ki sar zameen
Har dil mein ja gozeen hai Madinah ki sar zameen
جس نور سے بنائے گئے عرش اور فرش
اس نور کی امیں ہے مدینے کی سر زمیں
Jis noor se banaaye gaye arsh aur farsh
Us noor ki ameen hai Madinah ki sar zameen
امکاں کا دشت جس کی بدولت ہے ، پُر بہار
وہ گلشنِ حسیں ہے مدینے کی سر زمیں
Imkaan ka dasht jis ki badolat hai, pur bahar
Woh gulshan-e-haseen hai Madinah ki sar zameen
گونجی ہے جو اذانِ بلالی سے مدّتوں
وہ دلکشا زمیں ہے مدینے کی سر زمیں
Goonji hai jo azaan-e-Bilali se muddathon
Woh dilkasha zameen hai Madinah ki sar zameen
ہر غنچہ فسردہ گلِ تازہ ہے جہاں
کیا راحت آفریں ہے مدینے کی سر زمیں
Har ghuncha fisurdah gul-e-taaza hai jahan
Kya rahat afreen hai Madinah ki sar zameen
وہ خاک ِ پاک اہل ِ زمیں کا وقار ہے
قدموں میں اس کے عظمتِ گردوں نثار ہے
Woh khaak-e-pak ahl-e-zameen ka waqar hai
Qadmon mein us ke azmat-e-gardun nisaar hai
اقلیمِ حُسن، کشورِ انوار طیّبہ
بیتِ رسوؐل ، قریہ انصار طیّبہ
Iqlim-e-husn, kishwar-e-anwaar Tayyibah
Bait-e-Rasool, qaryah Ansar Tayyibah
اسما ہیں اس کے ناجیہ، محروسہ ، قاصمہ
محفوظہ، عاصمہ، حسنہ ، دار، طیّبہ
Asma hain is ke najiya, mahroosa, qasma
Mahfooza, asma, hasna, daar, Tayyibah
مرحومہ، خیرہ، خیّرہ، مرزوقہ، مومنہ
ارض اللہ، طیبہ، منزلِ ابرار، طیّبہ
Marhooma, kheera, kheyra, marzooqa, momina
Arz Allah, Tayyibah, manzil-e-abrar, Tayyibah
معصومہ و مدینہ، محبوبہ و مقر
مسکینہ، طابہ ، غلبہ، گہر بار طّیبہ
Masooma o Madinah, mahbooba o maqarr
Maskeena, Taaba, ghalba, gaharbaar Tayyibah
حکمِ نبیؐ ہے اس کو جو یثرب پکار لے
توبہ کے بعد وہ کہے دس بار طیّبہ
Hukm-e-Nabi hai is ko jo Yathrib pukar le
Touba ke baad woh kahe das baar Tayyibah
اس بلدہء عظیم میں وہ شہریار ہے
جس پر فلاح و فوز کا سب انحصار ہے
Is baldah-e-azeem mein woh shehryar hai
Jis par falah o foz ka sab inhesaar hai
Share This Naat
Share with friends and family
سر نامہ جمال مدینہ رسُول کا
حفیظ تائب