باندھنے ہیں تو حضوری کے ارادے باندھے
بندہ سوچے تو مدینے ہی کی باتیں سوچے
Baandhne hain to huzoori ke irade baandhe
Banda soche to madine hi ki baatein soche
میری تقدیر! مجھے اتنی بصیرت دے دے
نقشِ نعلینِ نبیؐ سے مری قسمت جاگے
Meri taqdeer! Mujhe itni baseerat de de
Naqsh-e na'lein-e Nabi ﷺ se meri qismat jage
انبیا آپؐ سے ماقبل کے یہ سوچتے تھے
’’آپؐ کی سیرتِ اطہر سے ضیا ڈھونڈیں گے‘‘
Anbiya aap ﷺ se maqabl ke ye sochte the
''Aap ﷺ ki seerat-e athar se zia dhoondein ge''
عمر جو دور گزاری ہے وہ دوری نہ رہے
جتنی باقی ہے بچی آپؐ کے در پر گزرے
Umar jo door guzari hai wo doori na rahe
Jitni baqi hai bachi aap ﷺ ke dar par guzre
رو برو گنبدِ خضریٰ کے ہوں جلوے ہر دم
عاشقِ سرورِؐ دیں اس کے سوا کیا مانگے
Roobaru gunbad-e khizra ke hoon jalwe har dum
Aashiq-e sarwar-e ﷺ deen iske siwa kya maange
بے پر و بال ہوں آقاؐ مجھے پرواز ملے
تیرے دربار میں دل بن کے کبوتر پہنچے
Be par o baal hoon aaqa ﷺ mujhe parwaaz mile
Tere darbar mein dil ban ke kabootar pahunche
وقتِ دیدارِ نبیؐ کیا تھا بلالیؓ انداز
کون اب انؓ کی طرح آپؐ کا جلوہ دیکھے
Waqt-e deedaar-e Nabi ﷺ kya tha bilaliؓ andaaz
Kaun ab unؓ ki tarah aap ﷺ ka jalwa dekhe
اب ہمیں موت سے مشکل ہے پلٹ کر آنا
جیتے جی کیسے کوئی آپؐ کے در سے لوٹے
Ab humein maut se mushkil hai palat kar aana
Jeete ji kaise koi aap ﷺ ke dar se lote
سانس کے ساتھ جُڑی جب سے ہے تسبیحِ درود
سانس ہر پل ہیں درودوں سے مہکتے جاتے
Saans ke saath juri jab se hai tasbeeh-e durood
Saans har pal hain daroodon se mehakte jaate
انؐ کے ہیں وصف فزوں حدِ بیاں سے طاہرؔ
حقِ توصیف بھلا مجھ سے ادا ہو کیسے
Un ﷺ ke hain wasf faroogh had-e bayan se Tahirؔ
Haq-e tauseef bhala mujh se ada ho kaise
Share This Naat
Share with friends and family
باندھنے ہیں تو حضوری کے ارادے باندھے
پروفیسر محمد طاہر صدیقی