ہمارے سر پہ ہے سایہ فگن اُلفت محمّد کی
ہمارے دل میں ہے جلوہ کناں صورت محمّد کی
Hamare sar pe hai saya fagan ulfat Muhammad ki
Hamare dil mein hai jalwa kanah surat Muhammad ki
گنہ گارو نہ گھبراؤ ، سیہ کارو نہ شرماؤ
وہ آئی مجرموں کو ڈھونڈتی رحمت محمّد کی
Gunehgaaro na ghabrao, siyah karo na sharmao
Woh aai mujhrimo ko dhondati rehmat Muhammad ki
عرب والا چلا ہے بخشوانے اپنی اُمّت کو
مچی ہے سارے خاص و عام میں شہرت محمّد کی
Arab wala chala hai bakhshwane apni Ummat ko
Machi hai saare khas o aam mein shohrat Muhammad ki
علومِ اوّلین و آخریں کا کردیا مالک
خدا نے دھوم سے کی عرش پر دعوت محمّد کی
Uloom-e-owwalin o aakhri ka kardiyaa malak
Khuda ne dhoom se ki arsh par dawat Muhammad ki
فقیرؤ بے نواؤ مانگ لو جو کچھ ضرورت ہے
جِھڑکنا ‘ پھیرنا خالی نہیں عادت محمّد کی
Faqeeron be-nawao maang lo jo kuch zarurat hai
Jhidakna 'pherna khaali nahi aadat Muhammad ki
فرشتو قبر میں اپنی سند ہمراہ لایا ہوں
یہ دیکھو دل کے آئینے میں ہے صورت محمّد کی
Farishto qabr mein apni sanad hamrah laya hoon
Yeh dekho dil ke aayeenay mein hai surat Muhammad ki
ہزاروں قدسیوں کی بھیڑ ہے روضہ کی جالی پر
ہزاروں آرہے ہیں چُومنے تُربت محمّد کی
Hazaroon qudsiyon ki bheer hai roza ki jaali par
Hazaroon aarhe hain choomne turbat Muhammad ki
جمیؔلِ قادری رضوی تجھے کیوں خوفِ محشر ہو
کہ تیرے دل کے آئینے میں ہے صورت محمّد کی
Jamil-e-Qadri Rizvi tujhe kyon khof-e-mahshar ho
Ke tere dil ke aayeenay mein hai surat Muhammad ki
Share This Naat
Share with friends and family
ہمارے سر پہ ہے سایہ فگن اُلفت محمّد کی
مرتبِ-محمد شفیع الخطیب اوکاڑوی