پیامِ خدا عام فرمانے والے
رہِ حق بھٹکتوں کو دکھلانے والے
Payam-e-Khuda aam farmaane wale
Rah-e-haq bhatkton ko dikhlane wale
امامِ رسل، سرورِ دین و دنیا
محمد، ممجد لقب پانے والے
Imam-e-Rusul, sarwar-e-deen-o-dunya
Muhammad, Mumaajjad laqab pane wale
مدینے کی مٹی کی سوغات لانا
دیارِ حبیبِ خدا جانے والے
Madine ki mitti ki soghat lana
Diyar-e-Habib-e-Khuda jane wale
کرم کی نظر ہو خدارا ادھر بھی
مرادیں غریبوں کی بر لانے والے
Karam ki nazar ho Khudara idhar bhi
Muradain gareebon ki bar lane wale
فضائل کے جامع، محاسن کے پیکر
خدا سے محمد لقب پانے والے
Fazail ke jame, mahaseen ke paikar
Khuda se Muhammad laqab pane wale
ہیں اپنے تو اپنے عدُو پہ بھی ہیں وہ
سدا پھول رحمت کے برسانے والے
Hain apne to apne adu pe bhi hain woh
Sada phool rehmat ke barsane wale
خدا کی طرف سے بصورتِ قرآں
صحیفہ ہدایت کا وہ لانے والے
Khuda ki taraf se bisoorat-e-Quran
Saheefa-e-hidayat ka woh lanay wale
گواہ آج بھی ہے یہ بازارِ طائف
ہیں پتھر وہ کھا کے دعا دینے والے
Gawah aaj bhi hai yeh bazar-e-Taif
Hain patthar woh kha ke dua dene wale
خدایا تخیل کو دے اتنی رفعت
ہوں اشعار دل میں اتر جانے والے
Khudaya takhayyul ko de itni rifat
Hon ashaar dil mein utar jane wale
نبی کی حمایت کا ہو جس پہ سایہ
اسے فکر کیا، لاکھ ہوں تھانے والے
Nabi ki himayat ka ho jis pe saya
Usay fikr kya, lakh hon thane wale
خبر سارے عالم کی رکھتے ہیں آقا
مدینے میں آرام فرمانے والے
Khabar saare alam ki rakhte hain aqa
Madine mein aaram farmaane wale
وہاں مر ہی جانا تمہیں چاہیے تھا
پلٹ کر مدینے سے او آنے والے
Wahan mar hi jana tumhein chahiye tha
Palat kar Madine se o aanay wale
وہی وجہِ تخلیقِ عالم ہیں احمدؔ
وہی بزمِ ہستی کو چمکانے والے
Wohi wajah-e-takhleeq-e-alam hain Ahmad
Wohi bazm-e-hasti ko chamkane wale
Share This Naat
Share with friends and family
پیامِ خدا عام فرمانے والے
مولانا طفیل احمد مصباحی