خورشید جِس کے نُور کا ایک اقتباس ہَے
اُس کا جمال میری نظر کا لباس ہَے
khursheed jis ke noor ka aik iqtabas hai
us ka jamal meri nazar ka libas hai
دستِ کرم کِسی نے مِرے مُنہ پہ رکھ دیا
مَیں کہنا چاہتا تھا مرا دل اُداس ہے
dast-e-karam kisi ne mere munh pe rakh diya
main kehna chahta tha mera dil udas hai
مِلتا ہے روز تیرے وسیلے سے ہم کو رزق
جو معترف نہیں ہے نمک ناشناس ہے
milta hai roz tere waseele se hum ko rizq
jo mutarif nahi hai namak nashanas hai
دُنیا نہ دے مُجھے مِرے حصّے کی نعمتیں
جس میں تری تڑپ ہے وہ دل میرے پاس ہے
duniya na de mujhe mere hissay ki naimaten
jis mein teri tarap hai woh dil mere paas hai
مَیں قُرب چاہتا ہُوں، مرا پوچھنا ہی کیا
لیکن تری رضا ہے تو فرقت بھی راس ہے
main qurb chahta hoon, mera poochna hi kya
lekin teri raza hai to furqat bhi raas hai
مہکی ہُوئی ہے کوچہ و بازار کی ہَوا
محسوس ہو رہا ہے کوئی آس پاس ہے
mehki hui hai koocha-o-bazaar ki hawa
mehsoos ho raha hai koi aas paas hai
حضرت مَیں التماس کروں بھی تو کیا کروں
حضرت مرا تمام وجُود التماس ہے
hazrat main iltimas karoon bhi to kya karoon
hazrat mera tamam wajood iltimas hai
کیسے بُجھے گی جُرعۂ دیدار کے سِوا
یہ دِل کی تشنگی ہے یہ آنکھوں کی پیاس ہے
kaise bujhegi jur’a-e-deedaar ke siwa
ye dil ki tishnagi hai ye aankhon ki pyaas hai
عاصؔی کو چشمِ لُطف سے آسی بنادیا
اُس ذات پاک نے جو غریبوں کی آس ہے
Aasi ko chashm-e-lutf se Aasi bana diya
us zaat paak ne jo ghareebon ki aas hai
Share This Naat
Share with friends and family
خورشید جِس کے نُور کا ایک اقتباس ہَے
عاصی کرنالی