سارے دُکھاں دی تے درداں دی دوا ملدی اے
طیبہ وچ ساریاں مرضاں توں شفا ملدی اے
Saare dukhawn di te dardawn di dawa mildi ae
Taiba wich saariya marzaawn tu shifa mildi ae
یاد خالق دی ملے یادِ مُحمد وچوں
یادِ سرکار چوں ای یادِ خُدا مِلدی اے
Yaad Khaliq di mile yaad-e-Muhammad wachoon
Yaad-e-Sarkar choon e yaad-e-Khuda mildi ae
آ نہیں سکدے کدی کول ہنیرے اُس دے
جس نوں محبوب دے روضے دی ضیاء ملدی اے
Aa nahi sakdae kadi kol haniray us de
Jis nu mehboob de rozae di zia mildi ae
جہڑی مخصوص اے جنت دی فضا تک کیتی
ٹھنڈی اُس نالوں مدینے چ ہوا ملدی اے
Jehri makhsoos ae jannat di faza tak keeti
Thandi us naalon Madine ch hawa mildi ae
کوئی دیوے تے صدا بھاویں نہ دیوے اوتھے
اوہدی رحمت تے گداواں نوں سدا ملدی اے
Koi devae te sada bhawen na deve othey
Ohdhi rehmat te gaduwawn nu sada mildi ae
اوہنوں مل جاندی یقیناً اے رضا الله دی
جیس نوں اللہ دے پیارے دی رضا ملدی اے
Ohnu mil jandi yaqeenan ae raza Allah di
Jis nu Allah de pyare di raza mildi ae
آج وی اوندی اے مہک زُلف نبی دی صائم
آج وی انوار دی طیبہ توں گھٹا ملدی اے
Aaj vi ondi ae mehak zulf Nabi di Saim
Aaj vi anwar di Taiba tu ghata mildi ae
Share This Naat
Share with friends and family
سارے دُکھاں دی تے درداں دی دوا ملدی اے
علامہ صائم چشتی