عروجِ نوعِ بشر اقتدائے نقشِ قدم
یہ عظمتوں کا سفر ہے عطائے نقشِ قدم
Arooj-e-noo-e-bashar iqtedaye naqsh-e-qadam
Ye azmatoon ka safar hai ataye naqsh-e-qadam
جہاں بھی ظلمت و شر کی اندھیر نگری تھی
حبیبِؐ رب کے وہاں جگمگائے نقشِ قدم
Jahan bhi zulmat o shar ki andher nagri thi
Habib-eؐ Rab ke wahan jagmagae naqsh-e-qadam
خدا کے دین کی تفسیر ہے تری سیرت
کسے مجال کہ تیرے مٹائے نقشِ قدم
Khuda ke deen ki tafseer hai teri seerat
Kise majal ke tere mitaye naqsh-e-qadam
پڑھا درودِ براہیمؑ جھوم کر میں نے
جب ان کے آپؐ سے میں نے ملائے نقشِ قدم
Parha durood-e-Ibrahimؑ jhoom kar main ne
Jab un ke aapؐ se main ne milae naqsh-e-qadam
ہمیں بھی سوز و ادب صدقہِ جامیؒ و رضاؒ
جو عمر بھر رہے دل سے فدائے نقشِ قدم
Humein bhi soz o adab sadqa-e-Jamiؒ o Razaؒ
Jo umr bhar rahe dil se fadae naqsh-e-qadam
حضورؐ نظرِ کرم ہو مرے بھی آنگن میں
حضورؐ میں نے بھی گھر میں لگائے نقشِ قدم
Huzoorؐ nazar-e-karam ho mere bhi aangan mein
Huzoorؐ main ne bhi ghar mein lagae naqsh-e-qadam
جو میری روح معطر رہی درودوں سے
یہ اس لیے کہ بڑوں نے پلائے نقشِ قدم
Jo meri rooh muattar rahi daroodon se
Ye is liye ke baron ne pilae naqsh-e-qadam
شکیلؔ مدح سرا ہے تری عطائوں سے
قبول ہو مرے آقاؐ ثنائے نقشِ قدم
Shakeelؔ madh sara hai teri ataon se
Qabool ho mere aqaؐ sanae naqsh-e-qadam
Share This Naat
Share with friends and family
عروجِ نوعِ بشر اقتدائے نقشِ قدم
محمد شکیل نقشبندی