ٹُرے قافلے مدینے ول جاوندے تے میریاں ناں آیاں واریاں
بھاگاں والے ہین خُوشیاں مناوندے تے میریاں ناں آیاں واریاں
Turre qafle Madine val jaande te meriyan naa'n aiyan wariyan
Bhagan wale hin khushiyan manande te meriyan naa'n aiyan wariyan
جتنے جلوے ہمیشہ نے حضور دے، جتھے ٹٹ گئے نے مان کوہ طور دے
حاجی جالیاں اوہ سینے نال لاوندے تے میریاں ناں آیاں واریاں
Jitne jalve hamesha ne Huzoor de, jithe tut gaye ne maan Koh-e-Toor de
Haji jaliyaan oh seene nal laande te meriyan naa'n aiyan wariyan
ساڈا تیرے بنا کیہڑا ہور سوہنیا، تیرے ہتھ وچہ ساڈی ڈور سوہنیا
تُسیں لکھاں نوں بلا کے خیر پاوندے تے میریاں ناں آیاں واریاں
Saada tere bina kehra hor sohnia, tere hath vich saadi dor sohnia
Tusein lakhhan nu bula ke khair paande te meriyan naa'n aiyan wariyan
ہنجو غماں والے اکھیاں چہ بھر کے، منہ سوہنیا مدینے ولے کر کے
خیراں راہیاں دیاں رہندے ہاں مناوندے تے میریاں ناں آیاں واریاں
Hanjo ghamaan wale akhiyaan ch vhar ke, munh sohnia Madine vale kar ke
Kheraan rahiyaan diyaan rahende haan manaande te meriyan naa'n aiyan wariyan
یاد کر کے مدینے دی بہار نُوں ، یاد کر کے کبوتراں دی ڈار نُوں
ہنجو اکھیاں چہ بار بار آوندے تے میریاں ناں آیاں واریاں
Yaad kar ke Madine di bahaar nu, yaad kar ke kabootraan di daar nu
Hanjo akhiyaan ch baar baar aande te meriyan naa'n aiyan wariyan
دُکھ ہجر والا جھلیا نہیں جاوندا، اٹھے پہر صائم رہوے کرلاوندا
غم جان نوں ہمیشہ رہندے کھاوندے تے میریاں ناں آیاں واریاں
Dukh hijr wala jhaliya nahi jaavanda, uthe pehar saaim rahve krlaavanda
Gham jaan nu hamesha rehnde khaande te meriyan naa'n aiyan wariyan
Share This Naat
Share with friends and family
ٹُرے قافلے مدینے ول جاوندے تے میریاں ناں آیاں واریاں
علامہ صائم چشتی