دربارِ نبیؐ سایہء رحمت بھی رِدا بھی
انوار کی رم جھم بھی کرم جود و سخا بھی
Darbar-e-Nabi (SAW) saaya-e-rahmat bhi rida bhi
Anwar ki ram jham bhi karam jood o sakha bhi
انساں ہی درودوں کی سجاتے نہیں محفل
کرتے ہیں یہی کام فرشتے بھی خدا بھی
Insaan hi duroodon ki sajate nahi mehfil
Karte hain yehi kaam farishte bhi khuda bhi
صد شکر یہ اعزاز مرے حصے میں آئے
ہوں اُمتی اُنؐ کا میں ثناء گو بھی گدا بھی
Sad shukr ye aizaaz mere hisse mein aaye
Hoon ummati un (SAW) ka main sana go bhi gada bhi
جس دل میں تریؐ یاد بسی شاہِ دوعالمؐ
وہ مہکا ہوا دل ہے مدینہ بھی حرا بھی
Jis dil mein teri (SAW) yaad basi Shah-e-Duoalam (SAW)
Woh mehka hua dil hai Madina bhi Hira bhi
آیا بھی نہیں حرفِ طلب نوکِ زباں پر
مختارِ دوعالمؐ کی عنایت سے ملا بھی
Aaya bhi nahi harf-e-talab nok-e-zubaan par
Mukhtar-e-Duoalam (SAW) ki inayat se mila bhi
دُنیا پہ تسلط تھا فقط زرد رُتوں کا
بدلی ترےؐ آجانے سے موسم کی ادا بھی
Duniya pe tasallut tha faqat zard ruton ka
Badli tere (SAW) aajane se mausam ki ada bhi
اللہ سے مانگی ہے محمدؐ کی رفاقت
مانگی ہے سرِ حشر شفاعت کی ردا بھی
Allah se mangi hai Muhammad (SAW) ki rafaqqat
Mangi hai sar-e-hashar shafa'at ki rada bhi
بیمارِ غمِ دل سے کہو جائے مدینہ
ملتی ہے توجہ بھی دِلاسہ بھی دوا بھی
Beemar-e-gham-e-dil se kaho jaye Madina
Milti hai tawajjo bhi dilasa bhi dawa bhi
اشفاقؔ بھروسہ ہے مجھے خالقِ کل پر
ہو جائے گی مقبول حضوری کی دُعا بھی
Ashfaq bharosa hai mujhe Khaliq-e-Kul par
Ho jaye gi maqbool hazoori ki dua bhi
Share This Naat
Share with friends and family
دربارِ نبیؐ سایہء رحمت بھی رِدا بھی
اشفاق احمد غوری