تعلق جوڑ لینا اور پھر محوِ ثنا رہنا
مجھے منظور ہے برسوں ترے در پر کھڑا رہنا
Taluq jord lena aur phir mahv-e-sana rehna
Mujhe manzoor hai barson tere dar par khada rehna
رہے گی تجھ سے وابستہ سدا انوار کی بارش
کہاں ممکن ہے سورج کا شعاعوں سے جدا رہنا
Rahe gi tujh se wabasta sada anwar ki barish
Kahan mumkin hai sooraj ka shu'aoon se juda rehna
کسی کونے میں لکھ لینا میرا بھی اسمِ صد پارہ
مجھے شاید نہ راس آئے زیادہ پارسا رہنا
Kisi konay mein likh lena mera bhi ism-e-sad parah
Mujhe shayad na raas aaye ziyada parsaa rehna
تری کتنی عنایت ہے کہ میں بکھرا نہیں ورنہ
بہت مشکل ہے طوفانوں کے آگے یوں کھڑا رہنا
Teri kitni inayat hai ke mein bikhra nahi warna
Bohat mushkil hai toofanon ke aagay yun khada rehna
تری دہلیز چھُو لینا برابر ہے نوافل کے
ترے کُوچے کی مٹی پر عبادت ہے پڑا رہنا
Teri dehleez chhu lena barabar hai nawafil ke
Tere kooche ki mitti par ibadat hai pada rehna
Share This Naat
Share with friends and family
تعلق جوڑ لینا اور پھر محوِ ثنا رہنا
انجم نیازی