دیارِ نور ہے عطائے بے کراں زمین پر
کریم رب نے رکھ دیا ہے آسماں زمین پر
Diyar-e-noor hai aataaye be kraan zameen par
Kareem Rab ne rakh diya hai aasmaan zameen par
حضور! سنگِ در پہ حاضری کا اذن ہو عطا
گزر نہ جائے عمر میری رائیگاں زمین پر
Huzoor! sang-e-dar pe haazri ka izin ho aata
Guzar na jaaye umr meri raaygaan zameen par
زمیں کا افتخار ہیں نعالِ شاہ کے نشاں
فرشتے چومتے تو ہوں گے وہ نشاں زمین پر
Zameen ka iftikhar hain na'al-e-shaah ke nishaan
Farishtay choomte to honge wo nishaan zameen par
حضور کے کرم سے وہ حجر بھی بولنے لگے
پڑے ہوئے تھے جو ازل سے بے زباں زمین پر
Huzoor ke karam se wo hajar bhi bolne lage
Pare hue thay jo azal se be zabaan zameen par
قیامِ حشر تک ہمیں بہت لہو رلائے گی
رقم ہے کربلا میں ایسی داستاں زمین پر
Qayyam-e-hashar tak humein bohot lahoo rulaaye gi
Raqam hai Karbala mein aisi daastaan zameen par
نزولِ قدسیاں ہے صبح شام بہرِ حاضری
دیارِ مصطفیٰ ہے ان کا میزباں زمین پر
Nuzool-e-qudsiyan hai subah shaam beher haazri
Diyar-e-Mustafa hai un ka mehzabaan zameen par
مواجہ پر ہوا ہے کاسۂ گدائی مطمئن
یہی جگہ ہے بابِ کنزِ در فشاں زمین پر
Muwajah par hua hai kaasa-e-gadai mutma'in
Yahi jagah hai baab-e-kanz-e-dar-fashaan zameen par
حضور کے سبب زمین پر ہیں ساری رونقیں
حضور کے سبب خدا ہے مہرباں زمین پر
Huzoor ke sabab zameen par hain saari ronaqen
Huzoor ke sabab Khuda hai mehrabaan zameen par
جگہ بنا لیں سائبانِ قرب میں درود سے
نہیں ملے گا اور کوئی سائباں زمین پر
Jagah bana lein saaebaan-e-qurb mein darood se
Nahi milega aur koi saaebaan zameen par
جہاں سے روشنی کی بھیک پا رہے ہیں مہر و مہ
اسی گلی میں سر بہ خم ہے کہکشاں زمین پر
Jahan se roshni ki bheek paa rahe hain mehr o meh
Usi gali mein sar beh kham hai kahkashaan zameen par
Share This Naat
Share with friends and family
دیارِ نور ہے عطائے بے کراں زمین پر
اشفاق احمد غوری