غلام حشر میں جب سیّد الوریٰ کے چلے
لِوائے حمد کے سائے میں سر اُٹھا کے چلے
Ghulam hash'r mein jab syed ul-vara ke chale
Liwaye hamd ke saaye mein sar uthake chale
چراغ لے کے جو عُشّاق مصطفیٰؐ کے چلے
ہوائے تُند کے جھونکے بھی سَر جھُکا کے چلے
Chiraagh le ke jo ashiq-e-Mustafa (S.A.W) ke chale
Hawa-e-tund ke jhonke bhi sar jhuka ke chale
وہیں پہ تھم گئی اک بار گردشِ دوراں
جہاں بھی تذکرے سُلطانِ انبیاؑء کے چلے
Wahin pe tham gayi ek baar gardish-e-dauran
Jahan bhi tazkare Sultan-e-Anbiya (A.S) ke chale
ہے دیدنی یہ مدینے کے عاشقوں کا چلن
جبیں پہ خاکِ درِ مصطفیٰؐ سجا کے چلے
Hai deedni yeh Madine ke aashiqon ka chalan
Jabeen pe khaak-e-dar-e-Mustafa (S.A.W) saja ke chale
یہ کس کا شہر قریب آرہا ہے دیکھو تو
دُرود پڑھتے ہوئے قافلے ہَوا کے چلے
Yeh kis ka sheher qareeb aarha hai dekho to
Durood parhte hue qafle hawa ke chale
نہیں ہے کِبر کی رُخصت حرم میں زائر کو
ادب کا ہے یہ تقاضا کہ سر جھُکا کے چلے
Nahi hai kib'r ki rukhsat haram mein zaair ko
Adab ka hai yeh taqaza ke sar jhuka ke chale
وہ اُن کا فقر سلیماں کو جس پہ رشک آئے
وہ اُن کا حُسن کہ یوسفؑ بھی مُنہ چھُپا کے چلے
Woh unka faqr Suleman ko jis pe rashk aaye
Woh unka husn ke Yusuf (A.S) bhi munh chhupa ke chale
سرِ نیاز جھُکایا جنہوں نے اُس دَر پر
وہ خوش نصیب ہی دنیا میں سر اُٹھا کے چلے
Sar-e-niaz jhukaya jin honay us dar par
Woh khush naseeb hi duniya mein sar uthake chale
نشے کی علّت حُرمت میں تھا یہ پہلو بھی
کہ پُل صراط پہ مومن نہ لڑکھڑا کے چلے
Nashe ki illat hurmat mein tha yeh pehlu bhi
Ke pul sirat pe momin na larkhra ke chale
طلب ہوئی سر قَوسَین جب شبِ اسرٰی
حُضورؐ، واقفِ منزل تھے، مُسکرا کے چلے
Talab hui sar qausain jab shab-e-Isra
Huzoor (S.A.W), waqif-e-manzil the, muskara ke chale
اُنہیں کی زیست ہوئی آبرو کے ساتھ بسر
جو اُن کی چادرِ نسبت میں سر جھُپا کے چلے
Unhi ki zeest hui aabroo ke saath basar
Jo unki chadar-e-nisbat mein sar jhupa ke chale
نظر بہ عالَمِ پاکیزگی پڑے اُن پر
مسافرانِ لحد اِس لئے نہا کے چلے
Nazar ba alam-e-pakeezgi pare un par
Musafiran-e-lahad is liye naha ke chale
جنابِ آمنہؓ اُٹھیں بلائیں لینے کو
جو تاج سر پہ شفاعت کا وہ سجا کے چلے
Janab-e-Aamna (R.A) uthain balaein lene ko
Jo taj sar pe shafaat ka woh saja ke chale
نصیرؔ اُن کے سوا کون ہے رسول ایسا
جو بخشوانے کو آئے تو بخشوا کے چلے
Naseer unke siwa kaun hai Rasool aisa
Jo bakhsh'wane ko aaye to bakhshwa ke chale
نصیرؔ! تجھ کو مبارک ہو یہ ثبَاتِ قدم
کہ اِس زمیں میں اکابر بھی لڑکھڑا کے چلے
Naseer! tujh ko mubarak ho yeh sabat-e-qadam
Ke is zameen mein akabir bhi larkhra ke chale
Share This Naat
Share with friends and family
غلام حشر میں جب سیّد الوریٰ کے چلے
سید نصیرالدیں نصیر