کوئی کیا جانے جو تم ہو خدا ہی جانے کیا تم ہو
خدا تو کہہ نہیں سکتے مگر شانِ خدا تم ہو
Koi kya jane jo tum ho khuda hi jane kya tum ho
Khuda to keh nahi sakte magar shan-e-khuda tum ho
نبیوں میں ہو تم ایسے نبی الانبیا تم ہو
حسینوں میں تم ایسے ہو کہ محبوبِ خدا تم ہو
Nabiyon mein ho tum aise Nabi ul-Anbiya tum ho
Husnain mein tum aise ho ke Mehboob-e-Khuda tum ho
تمہارا حسن ایسا ہے کہ محبوبِ خدا تم ہو
مہِ کامل کرے کسبِ ضیا وہ مہ لقا تم ہو
Tumhara husn aisa hai ke Mehboob-e-Khuda tum ho
Mah-e-Kamil kare kasb-e-diya woh Mah Lqa tum ho
علو مرتبت پیارے تمہارا سب پہ روشن ہے
مکینِ لامکاں تم ہو شہِ عرشِ علا تم ہو
Aloo martabat pyare tumhara sab pe roshan hai
Maqeen-e-La Makan tum ho Sheh-e-Arsh-e-Ula tum ho
تمہاری حمد فرمائی خدا نے اپنے قرآں میں
محمد اور مُمَجَّد مصطفیٰ و مجتبیٰ تم ہو
Tumhari hamd farmai khuda ne apne Quran mein
Muhammad aur MuMujad Mustafa o Mujtaba tum ho
جو سب سے پچھلا ہو پھر اس کا پچھلا ہو نہیں سکتا
کہ وہ پچھلا نہیں اَگلا ہوا اس سے وَرا تم ہو
Jo sab se pichla ho phir us ka pichla ho nahi sakta
ke woh pichla nahi aGla hua us se wara tum ho
تمہیں سے فتح فرمائی تمہیں پر ختم فرمائی
رُسل کی ابتدا تم ہو نبی کی اِنتہا تم ہو
Tumhin se fateh farmai tumhin par khatm farmai
Rusul ki ibtida tum ho Nabi ki Inteha tum ho
خدا نے ذات کا اپنی تمہیں مَظہَر بنایا ہے
جو حق کو دیکھنا چاہیں تو اُس کے آئینہ تم ہو
Khuda ne zaat ka apni tumhe maZahar banaya hai
Jo haq ko dekhna chahen to us ke aaina tum ho
تمہیں باطن تمہیں ظاہر تمہیں اوَّل تمہیں آخر
نہاں بھی ہو عیاں بھی مبتدا و مُنْتَہا تم ہو
Tumhin batin tumhin zahir tumhin Ao'l tumhin akhir
Nahan bhi ho Ayaan bhi Mubtada wa Munteha tum ho
منوّر کردیا ہے آپ کے جلوؤں نے عالم کو
مہ و خورشید کو بخشی ضیا نورِ خدا تم ہو
Munawwar kiya hai aap ke jaluon ne aalam ko
Mah o khursheed ko bakshti dia noor-e-khuda tum ho
مٹادی کفر کی ظلمت تمہارے رُوئے روشن نے
سویرا شرک کا تم نے کیا شمس الضحیٰ تم ہو
Mita di kufr ki zulmat tumhare ruYe roshan ne
Sawera shirk ka tumne kya shams uz-Duha tum ho
جہاں تاریک تھا سارا اندھیرا ہی اندھیرا تھا
تم آئے ظلمتیں تم سے مٹیں بدرُ الدُّجیٰ تم ہو
Jahan tareek tha sara andhera hi andhera tha
Tum aye zulmatein tum se mitin Badr' ud'-Dujaa tum ho
مِرا منہ کیا کہ میں مدح و ستائش میں زباں کھولوں
مِرے آقا تم ایسے ہو کہ ممدوحِ خدا تم ہو
Mera mu kya ke mein madh o sataish mein zubaan kholun
Mire aqa tum aise ho ke Mamdooh-e-Khuda tum ho
رَفَعْنَا سے تمہاری رِفعت بالا ہوئی ظاہر
کہ محبوبانِ رب میں سب سے عالی مرتبہ تم ہو
Refana se tumhari rif'at bala hui zaahir
ke mehbooban e rab mein sab se aali martaba tum ho
علو رُتبۂ سرکارِ عالی سب پہ روشن ہے
مکینِ لامکاں تم ہو شہِ عرشِ عُلا تم ہو
Aloo rutba e sarkar-e-aali sab pe roshan hai
Maqeen-e-La Makan tum ho Sheh-e-Arsh-e-Ula tum ho
شبِ معراج سے اے سیدِ کل ہوگیا ظاہر
رُسل ہیں مقتدی سارے اِمام الانبیا تم ہو
Shab-e-Miraj se ayy seyyed e kul ho gaya zahir
Rusul hain muqtadi saare Imam ul-anbiya tum ho
نہ ہوتے تم نہ ہوتے وہ کہ اصلِ جملہ تم ہی ہو
خبر تھے وہ تمہاری میرے مولیٰ مبتدا تم ہو
Na hote tum na hote woh ke asal e jamla tum hi ho
Khabar the woh tumhari mere Maula mubtada tum ho
تمہارے چاہنے والے کو کچھ ایسی محبت ہے
ادھر ہوجائے وہ مولیٰ جدھر صدرُ الوریٰ تم ہو
Tumhare chahne wale ko kuch aisi mohabbat hai
Idhar ho jaye woh Maula jidhar Sadr ul-Wara tum ho
تمہارے چاہنے والے اسے محبوب ہیں سارے
کچھ اس انداز کے پیارے حبیبِ کبریا تم ہو
Tumhare chahne wale use Mehboob hain saare
Kuch is andaaz ke pyare Habib e Kibriya tum ho
تمہارے بعد پیدا ہو نبی کوئی نہیں ممکن
نبوت ختم ہے تم پر کہ ختم الانبیاء تم ہو
Tumhare baad paida ho Nabi koi nahi mumkin
Mabubtum ho ke Khatamul Anbiya tum ho
یہ کیا میں نے کیا کیوں ڈھونڈ ڈالا عرصۂ محشر
ہمیں معلوم تھا پیارے ہمارا مدعا تم ہو
Ye kya maine kya kyun dhoond dala arsa-e-Mehshar
Hamein maloom tha pyare hamara mad'a tum ho
مگر ایسا نہ کیوں ہوتا کہ محشر میں یہ کھلنا تھا
شفیعِ مُجرِماں پیشِ خدا تنہا شہا تم ہو
Magar aisa na kyun hota ke Mehshar mein ye khulna tha
Shafi ul-mujraman pesh-e-Khuda tanha sheha tum ho
گرفتارِ بلا حاضر ہوئے ہیں ٹوٹے دل لے کر
کہ ہر بے کل کی کل ٹوٹے دلوں کا آسرا تم ہو
Giraftar-e-Bala hazir hue hain toote dil le kar
Ke har bekal ki kal toote dilon ka aasra tum ho
خبر لیجے خدارا میرے مولیٰ مجھ سے بے کس کی
کہ ہر بے کس کے کس بے بس کے بس روحی فدا تم ہو
Khabar lije khuda ra mere Maula mujh se be kas ki
Ke har be kas ke kas be bass ke bus roohi fida tum ho
مُسَلَّط کردیا تم کو خدا نے اپنے غیبوں پر
نبی مجتبیٰ تم ہو رسولِ مرتضیٰ تم ہو
Musallat kiya tumko khuda ne apne Ghaibon par
Nabi Muhtaram tum ho Rasool e Murtaza tum ho
چمک جائے دلِ نوریؔ تمہارے پاک جلوؤں سے
مٹادو ظلمتیں دِل کی مرے نورُالہدیٰ تم ہو
Chamak jaye dil e Noori tumhare pak jaluon se
Mita do zulmatein dil ki mere Noor ul-Huda tum ho
Share This Naat
Share with friends and family
کوئی کیا جانے جو تم ہو خدا ہی جانے کیا تم ہو
مفتی مصطفٰی رضا خان