لو جھوم کے نام "محمد" کا اِس نام سے رَاحت ہوتی ہے
اِس نام کے صدقے بٹتے ہیں اِس نام سے برکت ہوتی ہے
Lo jhoom ke naam "Muhammad" ka is naam se rahat hoti hai
Is naam ke sadqe bat'te hain is naam se barkat hoti hai
یہ شانِ کرم اللہ غنی اللہ کا دیا دیتے ہیں نبی
دیکھے تو صدا دے کر کوئی ہر چیز عنایت ہوتی ہے
Yeh shan-e-karam Allah ghani Allah ka diya dete hain Nabi
Dekhne to sada de kar koi har cheez inayat hoti hai
نعتوں کے سجاتے ہیں گجرے پڑھتے ہیں سلاموں کے نغمے
کوئی مانے مانے نا مانے اپنی تو عبادت ہوتی ہے
Na'atun ke sajate hain gaj'rey padhte hain salamun ke naghme
Koi mane mane na mane apni to ibadat hoti hai
موسم تو بدلتے رہتے ہیں ارمان مچلتے رہتے ہیں.
دیکھیں کس وقت مدینے میں جانے کی صورت ہوتی ہے
Mausam to badalte rehte hain armaan machalte rehte hain
Dekhein kis waqt Madine mein jane ki surat hoti hai
خوش بخت مسافر طیبہ کے ہو سامنے جب دربارِ نبی
یوں دیکھوں گنبد کو جیسے قرآں کی تلاوت ہوتی ہے
Khush bakht musafir Tayyaba ke ho samne jab darbar-e-Nabi
Yun dekhu'n gumbad ko jaise Quran ki tilawat hoti hai
اپنے دکھ درد و مصیبت میں دنیا میں ہزاروں روتے ہیں.
جو یادِ نبی میں اَشک گِرے اُس اَشک کی قیمت ہوتی ہے
Apne dukh dard o museebat mein duniya mein hazaron rote hain
Jo yaad-e-Nabi mein ashk gire us ashk ki qeemat hoti hai
اپنے تو نیازی اپنے ہیں غیروں نے بھی ہم سے پیار کیا
سب نامِ " نبی" کا صدقہ ہے اپنی جو یہ عزت ہوتی ہے.
Apne to Niazi apne hain ghairon ne bhi hum se pyar kiya
Sab naam-e-"Nabi" ka sadqa hai apni jo yeh izzat hoti hai.
Share This Naat
Share with friends and family
لو جھوم کے نام "محمد" کا اِس نام سے رَاحت ہوتی ہے
عبدالستار نیازی