آقاؐ حصارِ کرب سے ہم کو نکال دیں
آقاؐ یہ عہدِ تیرہ شبی ہم سے ٹال دیں
Aaqa ﷺ hisaara-e-karb se hum ko nikaal den
Aaqa ﷺ yeh aahd-e-teerah shabi hum se taal den
آقاؐ ہمارے قلب میں دیں کی تڑپ نہیں
ویران سی حیات کو حسن و جمال دیں
Aaqa ﷺ hamare qalb mein deen ki trp nahin
Veeraan si hayat ko husn-o-jamaal den
آقاؐ ہماری سوچ ہے ذاتی مفاد تک
تاریکیِ خیال ہماری اُجال دیں
Aaqa ﷺ hamari soch hai zaati mafaad tak
Tareeki-e-khayal hamari ujaal den
آقاؐ حضور سہمی ہوئی ہے یہ زندگی
اس کو بھی آپؐ عزت و رحمت کی شال دیں
Aaqa ﷺ Huzoor sahmi hui hai yeh zindagi
Is ko bhi aap ﷺ izzat-o-rehmat ki shaal den
آقاؐ ہمیں ہے تیشہِ ہمت خریدنا
بہرِ کرم عطائوں کے سِکّے اُچھال دیں
Aaqa ﷺ humein hai teshah-e-himmat khreedna
Behr-e-karam aataon ke sikkay uchhal den
آقاؐ صراطِ جرأت و غیرت کے در کھلیں
پھر سے وہ رعب و دبدبہ جاہ و جلال دیں
Aaqa ﷺ saraat-e-jurrat-o-ghairat ke dar khulain
Phir se woh raab-o-dabdaba jaah-o-jalaal den
آقاؐ جُدا کیا ہمیں باطل کی چال نے
اُمت کو اتحاد کا اوج و کمال دیں
Aaqa ﷺ juda kya humein baatil ki chaal ne
Ummat ko ittihad ka oaj-o-kamaal den
آقاؐ ہماری موت ہے فتنوں کی دلکشی
اِن حاکمانِ وقت کو حکمت کی ڈھال دیں
Aaqa ﷺ hamari maut hai fitnon ki dilkashi
In haakamaan-e-waqt ko hikmat ki dhaal den
آقاؐ سبھی ہیں ملک کے کردار کاغذی
طرزِ صحابہؓ کی یہاں کس کو مثال دیں
Aaqa ﷺ sabhi hain mulk ke kirdaar kaaghazi
Tarz-e-sahabaؓ ki yahan kis ko misaal den
آقاؐ یہ عدل مسندیں گر دے سکیں نہ عدل
اتنا تو ہو غریب کو اذنِ سوال دیں
Aaqa ﷺ yeh adl masnadein gar de sakein na adl
Itna to ho ghareeb ko izn-e-sawaal den
آقاؐ ہمیں بھی طاعتِ صدیقؓ ہو عطا
اور حیدریؓ کمال بھی صدقہِ آل دیں
Aaqa ﷺ humein bhi taat-e-siddiqؓ ho aata
Aur Haideriؓ kamaal bhi sadqa-e-aal den
آقاؐ نظر ملانے کے قابل نہیں ہوں میں
نظرِ کرم شکیلؔ کے کاسے پہ ڈال دیں
Aaqa ﷺ nazar milaane ke qaabil nahin hoon main
Nazar-e-karam Shakeelؔ ke kaasay pe daal den
Share This Naat
Share with friends and family
آقاؐ حصارِ کرب سے ہم کو نکال دیں
محمد شکیل نقشبندی