دلوں کے ساتھ جبینیں جو خم نہیں کرتے
وہ پاسِ مدحتِ خیر الامم ؐ نہیں کرتے
dilon ke sath jabeenein jo kham nahi karte
woh paas-e-maddhat-e-Khair Ul Umam ﷺ nahi karte
دعا بغیر، اجازت بغیر، اذن بغیر
ہم ایک لفظ سپرد قلم نہیں کرتے
dua baghair, ijazat baghair, izn baghair
hum aik lafz supurd-e-qalam nahi karte
کتابِ حق نے جنہیں مصطفےؐ قرار دیا
جز اُن کے اور کوئی ذکر ہم نہیں کرتے
kitaab-e-haq ne jinhein Mustafa ﷺ qarar diya
juz un ke aur koi zikr hum nahi karte
کریم ایسے کہ انعام کرتے جاتے ہیں
جواد ایسے کہ نعمت کو کم نہیں کرتے
Kareem aise ke inaam karte jaate hain
Jawaad aise ke ni'mat ko kam nahi karte
جو اُن کے جادہ رحمت سے منحرف ہو جائیں
زمانے اُن کو کبھی محترم نہیں کرتے
jo un ke jada-e-rahmat se munharif ho jaayein
zamane un ko kabhi mohtarim nahi karte
میسر آتی ہے جن کو درود کی توفیق
کسی بھی حال میں ہوں کوئی غم نہیں کرتے
miyasir aati hai jin ko durood ki taufiq
kisi bhi haal mein hon koi gham nahi karte
نظر میں طائف و مکہ رہیں تو ان کے غلام
جواب میں بھی ستم کے، ستم نہیں کرتے
nazar mein Taif o Makkah rahein to un ke ghulaam
jawab mein bhi sitam ke, sitam nahi karte
Share This Naat
Share with friends and family
دلوں کے ساتھ جبینیں جو خم نہیں کرتے
افتخار عارف