چار سُو نُور کی برسات ہوئی آج کی رات
احد اور احمدؐ کی ملاقات ہوئی آج کی رات
Chaar su noor ki barsat hui aaj ki raat
Ahad aur Ahmad (S.A.W.) ki mulaqat hui aaj ki raat
گفتگو ذات سے بالذات ہوئی آج کی رات
مختصر یہ کہ بڑی بات ہوئی آج کی رات
Guftagu zat se balzat hui aaj ki raat
Mukhtasir yeh ke bari baat hui aaj ki raat
راکِب وقت نے کھینچی ہے زمامِ گردِش
حیرت ِ ارض و سماوات ہوئی آج کی رات
Rakib waqt ne kheechi hai zamaam-e-gardish
Hairat-e-arz o samawat hui aaj ki raat
یُوں تو الطاف تھے سرکارؐ پہ روزِ کُن سے
وا مگر چشمِ عنایات ہوئی آج کی رات
Yun to altaaf the Sarkar (S.A.W.) pe roz-e-kun se
Wa magar chashm-e-inayat hui aaj ki raat
رِفعتِ عبد کو جبریلِ امیں ؑ نے دیکھا
کیوں نہ ہو ‘ رافعِ درجات ہوئی آج کی رات
Rif'at-e-Abd ko Jibreel-e-Ameen (A.S.) ne dekha
Kyu na ho, Rafi' ud-darajat hui aaj ki raat
پردہء میم کے اندر ہے مقامِ محمود
کاشِفِ سرِّ حجابات ہوئی آج کی رات
Pardah-e-meem ke andar hai maqam-e-Mahmood
Kashif-e-sirr-e-hijabat hui aaj ki raat
قابَ قوسَین سے دو گام ورا جا نِکلا
عقل والوں کو بڑی مات ہوئی آج کی رات
Qaab-e-qausain se do gaam wara ja nikla
Aqal walon ko bari maat hui aaj ki raat
!جُملہ ایّام سے تابِندہ ہے میلاد کا دن
جُملہ راتوں سے حسین رات ہوئی آج کی رات
Jumla ayyaam se taabinda hai Meelad ka din
Jumla raaton se haseen raat hui aaj ki raat
!آج کی رات ہے عبادات کا ثمرہ واصفؔ
حمد و تسبیح و مناجات ہُوئی آج کی رات
Aaj ki raat hai ibadaat ka samra Wasif
Hamd o tasbeeh o munajaat hui aaj ki raat
Share This Naat
Share with friends and family
چار سُو نُور کی برسات ہوئی آج کی رات
واصف علی واصف