مِرا دل پاک ہو سرکار! دنیا کی محبت سے

Translate this Naat into Roman Urdu:

Mira dil paak ho sarkar! duniya ki muhabbat se Mujhe ho jae nafrat kaash! aaqa maal o daulat se Madine se agarche door hoon teri mashiyat se Tadapne ki sa'adat de ilahi hijr o furqat se Na London ki na America na Paris ki siyahat se Sukoon-e-qalb milta hai Madine ki ziarat se Khuda hafiz Madine ke musafir ja khuda hafiz Chalein ge Sue-Tayyibah hum bhi ek din un ki rehmat se Khuda ki tuj pe lakhon rahmatain hon za'ir-e-Tayyibah! Salam-e-shauq keh dena mira Mah-e-Risalat se Muhammad Mustafa us ko bhi sine se lagate hain Jise sab log thukrate hain nafrat se haqaarat se Tumhara Na’l-e-Aqdas hi humara Taj-e-Izzat hai Humara waasta kya taj-e-shahi se hukumat se Jigar pyaasa zabaan sookhi khazan chha’i bahar aaye Dil-e-pazmurda khil uthhe tere jalwon ki nuzhat se Gunahon ki mein chadar taan kar din raat sota hoon Jagado Ya Rasool Allah! Mujhe ab khwab-e-ghaflat se Gunahon se mira saara wujood afsos! hai lithra Mujhe ab paak kar dijye gunahon ki nuhust se Nadamat se gunahon ka azaala kuch to ho jata Mujhe rona bhi to aata nahi haaye nadamat se Karam ae Shafi'e-Mashar khule aamaal ke daftar Go badkaar o kameena hoon magar hoon teri Ummat se Na naame mein ibaadat hai na palle kuch riaazat hai Ilahi! Maghfirat farma hamari apni rehmat se Ilahi! Waasta deta hoon mein Meethi Madine ka Bacha duniya ki aafat se bacha uqb'a ki aafat se Muslimaan Eid-e-Milad-un-Nabi par shaad hota hai Fqat Iblees ka chela chire jashn-e-wiladat se Batey gi rehmaton ki jis ghari khairaat-e-Mashar mein Shah! Mehroom mat karna mujhe apni shafaat se Tumhein maloom kya bhai Khuda ka kaun hai maqbool Kisi momin ko mat dekho kabhi bhi tum haqaarat se Ujaala hi ujaala hoga us ki qabar ke andar Ho jis ka dil manawar ulfat-e-mehr-e-risaalat se Karam se khuld mein Attar jis dam ja raha hoga Shayateen dekhte honge sabhi mur mur ke hasrat se