naat
جو محروم ہیں تیرے لطف و کرم سے پھریں گے سدا دربدر مارے مارے
جو محروم ہیں تیرے لطف و کرم سے پھریں گے سدا دربدر مارے مارے
نہیں بد نصیبی تو پھر اور کیا ہے، سہارا ملا اور ہوئے بے سہارے
Jo mehroom hain tere lutf o karam se phirenge sada darbadar mare mare
Nahi bad naseebi to phir aur kya hai, sahara mila aur huye be sahare
نظر آرہا ہے کہ دریا رواں ہے مگر پوچھتے ہیں کہ پانی کہاں ہے
ستم یہ مقدر کا دیکھو کہ پیاسے چلے جا رہے ہیں کنارے کنارے
Nazar aa raha hai ke darya rawan hai magar pochte hain ke pani kahan hai
Sitm ye muqaddar ka dekho ke pyase chale ja rahe hain kinare kinare
ہوئے دُور جو بھی ترے آستاں سے زمیں پہ سمجھ لو گرے آسماں سے
بچھڑتے ہیں راہی جو خود کارواں سے انہیں کس طرح ان کی منزل پکارے
Huye door jo bhi tere aastan se zameen pe samajh lo gire aasman se
Bicharte hain rahi jo khud karwan se unhein kis tarah unki manzil pukare
ملی مفت میں تھی محبت کی دولت سمجھ کر بھی سمجھی نہ کچھ قدر و قیمت
عقیدت کی بازی کو اک کھیل سمجھا اٹھے اس طرح پھر کہ جیتے نہ ہارے
Mili muft mein thi mohabbat ki dolat samajh kar bhi samjhi na kuch qadr o qeemat
Aqeedat ki bazi ko ik khel samjha uthe is tarah phir ke jeete na hare
جنہیں مل گیا تیرے غم کا سہارا، سمجھتے ہیں طوفان کو وہ کنارا
انہیں ہر قدم پر تمہاری نگاہیں سدا رہنمائی کے دیں گی اشارے
Jinhain mil gaya tere gham ka sahara, samajhte hain toofan ko woh kinara
Unhein har qadam par tumhari nigahen sada rehnumai ke den gi ishare
ملی دولتِ درد مجھ کو ظہوریؔ تمنا ہوئی ہے مرے دل کی پوری
مرے بختِ تاباں پہ ہیں رشک کرتے فلک کے چمکتے ہوئے چاند تارے
Mili dolat-e-dard mujh ko Zahoori tamanna hui hai mere dil ki poori
Mere bakht-e-taaban pe hain rashk karte falak ke chamakte hue chand tare
Share This Naat
Share with friends and family
جو محروم ہیں تیرے لطف و کرم سے پھریں گے سدا دربدر مارے مارے
محمد علی ظہوری