ایک ایک قولِ پاکِ شہِ دوسرا ہے سچ
جیسے کہ لفظ لفظ کلامِ خدا ہے سچ
Ek ek qoul-e-pak-e-sheh-e-dosra hai sach
Jaise ke lafz lafz kalam-e-khuda hai sach
دعوت پہ مصطفیٰؐ کی وہی ہو گئے عدو
کہتے تھے جو امین ہے یہ بولتا ہے سچ
Dawat pe Mustafaؐ ki wahi ho gaye adu
Kehte the jo amin hai ye bolta hai sach
جھوٹے خدائے کفر ہیں لات و ہبل منات
درسِ نبیؐ کے صدقے یہ سب پر کھلا ہے سچ
Jhoote khudaye kufr hain laat o hubal manat
Dars-e-Nabiؐ ke sadqay ye sab par khula hai sach
بو جہل نے غرور سے انکارِ حق کیا
حالاں کہ اس کو خوب پتہ تھا کہ کیا ہے سچ
Bu jahl ne ghuroor se inkar-e-haq kiya
Haala'n ke us ko khoob pata tha ke kya hai sach
شاہد ہیں سارے کفر و صداقت کے معرکے
باطل کے سامنے نہ کہیں بھی جھکا ہے سچ
Shaahid hain saaray kufr o sadaqat ke ma'arakay
Batil ke samnay na kahin bhi jhuka hai sach
ایمان کی صفت ہے یہ مومن کی شان ہے
ہر اہلِ حق کے قلب و جگر میں بسا ہے سچ
Eimaan ki sifat hai ye momin ki shaan hai
Har ahl-e-haq ke qalb o jigar mein basa hai sach
معراج کا عتیق نے جب واقعہ سنا
فورًا پکار اُٹھے نبیؐ نے کہا ہے سچ
Mairaaj ka Atiq ne jab waqia suna
Fauran pukar uthay Nabiؐ ne kaha hai sach
بو لے عمر حضورؐ سے کلمہ پڑھائیے
قرآن سن کے مجھ کو نظر آگیا ہے سچ
Bole Umar Huzoorؐ se kalma parhaiye
Quran sun ke mujh ko nazar aagaya hai sach
بے شک وہی رسولؐ کا سچا غلام ہے
ہیں جس کے سچے قول و عمل بولتا ہے سچ
Be shak wahi Rasoolؐ ka sacha ghulaam hai
Hain jis ke sachay qoul o amal bolta hai sach
احسنؔ کی نعت میں نہیں کوئی مبالغہ
جو بھی لکھا ہے مدحِ نبیؐ میں لکھا ہے سچ
Ahsanؔ ki naat mein nahin koi mubalagha
Jo bhi likha hai madh-e-Nabiؐ mein likha hai sach
Share This Naat
Share with friends and family
ایک ایک قولِ پاکِ شہِ دوسرا ہے سچ
احسن اعظمی