اُجالے کیوں نہ ہوں دیوار و در میں
میں ذکرِ مصطفیٰ کرتا ہوں گھر میں
Ujale kyon na hon deewar o dar mein
Main zikr e Mustafa karta hoon ghar mein
وہ جیسے ہیں کوئی ویسا نہیں ہے
یہی لکھا ہے تاریخِ بشر میں
Woh jaise hain koi waisa nahin hai
Yahi likha hai tareekh e bashar mein
یہاں بے مانگے ملتا ہے گدا کو
نہیں کوئی بھی در ایسا نظر میں
Yahan be maange milta hai gada ko
Nahin koi bhi dar aisa nazar mein
چلا ہوں سوئے دربارِ رسالت
ہے میرے ساتھ اِک خوش بو سفر میں
Chala hoon sooye darbar e risalat
Hai mere sath ek khush boo safar mein
انھی کے نور سے تاباں ہے سورج
انھی کی بھیک کشکولِ قمر میں
Inhi ke noor se tabaan hai sooraj
Inhi ki bheek kashkol e qamar mein
مدینے جاؤں ، آؤ ں پھر سے جاؤں
خدا تا عمر رکھے اس سفر میں
Madinay jaon, aoon phir se jaon
Khuda ta umr rakkhe is safar mein
صبیحؔ اُن کا ہوں میں اِک نام لیوا
سو میرا نام ہے اہلِ ہنر میں
Sabih un ka hoon main ik naam lewa
So mera naam hai ahl e hunar mein
Share This Naat
Share with friends and family
اُجالے کیوں نہ ہوں دیوار و در میں
سید صبیح الدین صبیح رحمانی