مرے جہان کی وسعت تری گلی تک ہے
صدائے درد و الم بس مرے نبیؐ تک ہے
Maray jahan ki wusat teri gali tak hai
Sada-e-dard o alam bas meray Nabiؐ tak hai
بڑے وثوق سے تاریخ نے یہ لکّھا ہے
کہ عظمتوں کا سفر اُن کی پیروی تک ہے
Baray wosoq se tareekh ne yeh likkha hai
Ke azmaton ka safar un ki pairwi tak hai
اکیلے نکلے تھے غارِ حرا سے خالی ہاتھ
جہانِ کفر کو دھڑکا مگر ابھی تک ہے
Akelay niklay thay ghar-e-Hira se khaali haath
Jahan-e-kufr ko dhadka magar abhi tak hai
نبیؐ کے قرب کی منزل ابد ابد کی خوشی
دکھوں کا سلسلہ دُنیا کی زندگی تک ہے
Nabiؐ ke qurb ki manzil abad abad ki khushi
Dukhon ka silsila duniya ki zindagi tak hai
درِ حضورؐ پہ علم و شعور گر نہ جھُکے
تو دسترس تری کیسے پھر آگہی تک ہے
Dar-e-Huzoorؐ pe ilm o shaoor gar na jhuke
To dastreis teri kaise phir aagee tak hai
بچانا خود کو تکبر کی سب ادائوں سے
یہ اُن کی نظرِ کرم تیری عاجزی تک ہے
Bachana khud ko takabbur ki sab adaon se
Yeh un ki nazar-e-karam teri aajzi tak hai
کوئی نہ مفلسِ دنیا ہمیں کہے لوگو
پہنچ ہماری بھی سب سے بڑے سخی تک ہے
Koi na muflis-e-duniya humein kahe logo
Pohanch hamari bhi sab se baray sakhi tak hai
شکیلؔ نعتِ نبیؐ ہو تو اس حضوری سے
زمانہ یہ نہ کہے بات شاعری تک ہے
Shakeelؔ Naat-e-Nabiؐ ho to is huzoori se
Zamana yeh na kahe baat shairi tak hai
Share This Naat
Share with friends and family
مرے جہان کی وسعت تری گلی تک ہے
محمد شکیل نقشبندی