حسنِ سرکار کا جو لے کے نمک جاتے ہیں
ظلمتِ قبر میں وہ چہرے چمک جاتے ہیں
Husn-e-Sarkar ka jo le ke namak jate hain
Zulmat-e-qabr mein woh chehre chamak jate hain
پھول ہے جس کا سراپا ہے پسینہ خوشبو
ذکر اس کا ہو تو اطراف مہک جاتے ہیں
Phool hai jiska saraapa hai paseena khushbu
Zikr us ka ho to atraf mehak jate hain
کالپی ہو کہ بریلی ہو کہ مارہرہ ہو
راستے سارے ہی سرکار تلک جاتے ہیں
Kalpi ho ke Bareli ho ke Marahra ho
Raaste saare hi Sarkar talak jate hain
دیکھ کر گنبدِ خضرا کا مِرے گھر طغرا
قافلے رنج و مصائب کے ٹھٹھک جاتے ہیں
Dekh kar gumbad-e-khazra ka mere ghar tughra
Qafile ranj-o-masaib ke thithak jate hain
وہ رجب ہو کہ ہو ذی الحج کہ ربیع الثانی
سب مہینے مجھے دے دے کے کسک جاتے ہیں
Woh Rajab ho ke ho Zil Hajj ke Rabi us Sani
Sab maahine mujhe de de ke kasak jate hain
پیش کرتے رہیں سرکار کی خدمت میں شفیقؔ
ڈالیاں لے کے درودوں کی ملک جاتے ہیں
Paish karte rahen Sarkar ki khidmat mein Shafiq
Daliyan le ke duroodon ki Malak jate hain
Share This Naat
Share with friends and family
حسنِ سرکار کا جو لے کے نمک جاتے ہیں
شفیق ؔ رائے پوری