چمکا خدا کے نُور سے غارِ حرا کا نُور
سارے جہاں پہ چھا گیا نُورِ خدا کا نُور
Chamka Khuda ke Noor se Ghar-e-Hira ka Noor
Saare jahan pe chha gaya Noor-e-Khuda ka Noor
آئے نگاہِ ناز میں بدّو جو آپ کی
اُن کو عطا کیا گیا فہم و ذکا کا نُور
Aaye nigah-e-naaz mein Baddu jo aap ki
Un ko ata kiya gaya feham o zaka ka Noor
امراض قلب و روح کے ہوں یا بدن کے ہوں
اسمِ کرم سے آپ کے پائیں شفا کا نُور
Amraz-e-qalb o rooh ke hoon ya badan ke hoon
Ism-e-karam se aap ke payein shifa ka Noor
جس کو ملی شفاعتِ شافع میانِ حشر
سمجھو کہ اس کو مل گیا روزِ جزا کا نُور
Jis ko mili shafa'at-e-shafi' mian-e-hashr
Samjho ke us ko mil gaya roz-e-jaza ka Noor
مُعطی ہے ربِ کعبہ شہا! آپ ہیں قسیم
دامن بھرے ہر ایک کا جُود و سخا کا نُور
Mu'ti hai Rab-e-Kaaba Shah! Aap hain Qasim
Daman bhare har ek ka jood o sakha ka Noor
بانٹے خزانے آپ نے لوگوں میں جس گھڑی
بوبکر کو دیا گیا صدق و صفا کا نُور
Bante khazane aap ne logon mein jis ghadi
Bobakr ko diya gaya sidq o safa ka Noor
شُہرہ ہے اُن کے عدل کا دنیا میں آج بھی
بخشا عُمَر کو آپ نے ایسی بقا کا نُور
Shohra hai un ke adl ka duniya mein aaj bhi
Baksha Umar ko aap ne aisi baqa ka Noor
کرتے ہیں آسماں کے ملائک بھی یُوں حیا
بخشا گیا غنی کو وہ شرم و حیا کا نُور
Karte hain aasmaan ke malaaik bhi yun haya
Baksha gaya Ghani ko woh sharm o haya ka Noor
علمِ نبی کے نُور نے بخشا اُنہیں وہ نُور
جس نُور کا ہی فیض ہے شیرِ خدا کا نُور
Ilm-e-Nabi ke Noor ne bakhsha unhein woh Noor
Jis Noor ka hi faiz hai Sher-e-Khuda ka Noor
سوز و گدازِ نعت کا محور ہے آج بھی
حسان و سعدی، جامی و احمد رضا کا نُور
Soz o gudad-e-Naat ka mehvar hai aaj bhi
Hassaan o Sa'adi, Jami o Ahmed Raza ka Noor
میری دعا جلیل خدا سے ہے بس یہی
حاصل لحد میں بھی رہے صلِّ علٰی کا نُور
Meri dua Jaleel Khuda se hai bas yehi
Haasil lahd mein bhi rahe Sall I Ala ka Noor
Share This Naat
Share with friends and family
چمکا خدا کے نُور سے غارِ حرا کا نُور
حافظ عبدالجلیل