مہربانی آپ کی ہونے لگی
آبرو ہر سو مری ہونے لگی
Mehrbani aap ki hone lagi
Aabroo har soo meri hone lagi
میرا دامن بھر دیا سرکار نے
حاسدوں کو کیوں غمی ہونے لگی
Mera daaman bhar diya sarkar ne
Hasidon ko kyun ghammi hone lagi
میری قسمت ان کی رحمت دیکھئے
بات جو کہہ دی وہی ہونے لگی
Meri qismat un ki rehmat dekhiye
Baat jo keh di wahi hone lagi
چھڑ گیا جب ذکر ان کے نور کا
میرے گھر میں روشنی ہونے لگی
Chhd gaya jab zikr un ke noor ka
Mere ghar mein roshni hone lagi
اب تو رخ سے ساقیا پردہ اٹھا
مے کدے میں شام سی ہونے لگی
Ab to rukh se saqiya parda uthha
Me kade mein sham si hone lagi
آگئے محفل میں جب وہ بے نقاب
ان پر صدقے چاندنی ہونے لگی
Aagaye mehfil mein jab woh be naqab
Un par sadqe chaandni hone lagi
روز ان پہ بھیجتا ہوں میں درود
خوب میری بندگی ہونے لگی
Roz un pe bhejta hoon main darood
Khub meri bandagi hone lagi
اس سے بڑھ کر اور کیا ہو گی خوشی
ان کے غم سے دوستی ہونے لگی
Is se barh kar aur kya ho gi khushi
Un ke gham se dosti hone lagi
یہ نیازی نعت کا فیضان ہے
ان کے در پر حاضری ہونے لگی
Ye Niazi naat ka faizaan hai
Un ke dar par hazri hone lagi
Share This Naat
Share with friends and family
مہربانی آپ کی ہونے لگی
عبدالستار نیازی