محبوبِ خدا سرورِ ذی شان درخشاں
بندوں پہ ہیں اللہ کا احسان درخشاں
Mehboob-e-Khuda Sarwar-e-Zeeshan Darakhshaan
Bandon pe hain Allah ka Ehsan Darakhshaan
طیبہ کے ہیں نہ صرف گُلستان درخشاں
ہیں شہرِ مدینہ کے بیابان درخشاں
Taiba ke hain na sirf Gulistan Darakhshaan
Hain shehr-e-Madina ke Biaban Darakhshaan
رُخسار و لب و عارِضِ سرکار کی کیا بات
ہیں لعلِ یمن شاہ کے دندان درخشاں
Rukhsar o lab o aarid-e-Sarkar ki kya baat
Hain laal-e-Yaman Shah ke Dandan Darakhshaan
اللہ کے محبوب کی عظمت پہ بِلاشک
ناطق ہے ہر اِک آیتِ قرآن درخشاں
Allah ke Mehboob ki Azmat pe bilashak
Natiq hai har ik Ayat-e-Quran Darakhshaan
بندوں کو عطا کی درِ حق تک ہے رسائی
اُن سے ہی مِلا رب کا ہے عِرفان درخشاں
Bandon ko ata ki dar-e-Haq tak hai rasai
Un se hi mila Rab ka hai Irfaan Darakhshaan
اصحابِ نبی سارے ہی ذی شان ہیں لیکن
صدیق و عُمر حیدر و عثمان درخشاں
Ashaab-e-Nabi sare hi Zeeshan hain lekin
Siddiq o Umar Haider o Osman Darakhshaan
جاں اپنی لُٹاتے ہیں یہ ناموسِ نبی پر
دنیا میں ہے عُشاق کی پہچان درخشاں
Jaan apni lutate hain yeh Namus-e-Nabi par
Duniya mein hai Ushaaq ki Pehchaan Darakhshaan
دن رات رُخِ سرورِ کونین تھے تکتے
اصحابِ محمد کا ہے ایمان درخشاں
Din raat rukh-e-Sarwar-e-Konain the takte
Ashaab-e-Mohammad ka hai Imaan Darakhshaan
ہو سوزِ جِگر آنکھ بھی نم دل ہو تڑپتا
طیبہ کے یہ زائر کا ہے سامان درخشاں
Ho soz-e-Jigar aankh bhi nam dil ho tadapta
Taiba ke yeh zair ka hai saamaan Darakhshaan
گرمی کی تمازت سے مِلے امن و اماں گر
محشر میں مِلے شاہ کا دامان درخشاں
Garmi ki tamazat se mile aman o amman gar
Mahshar mein mile Shah ka Daman Darakhshaan
کرتا ہے رقم شاہِ مدینہ کی یہ مدحت
مرزا پہ ہے سرکار کا احسان درخشاں
Karta hai raqam Shah-e-Madina ki yeh madhat
Mirza pe hai Sarkar ka Ehsan Darakhshaan
Share This Naat
Share with friends and family
محبوبِ خدا سرورِ ذی شان درخشاں
مرزا جاوید بیگ عطاری