مدینے والے ہمارے دل ہیں ازل سے تشنہ ازل سے ترسے
ازل کی تشنہ زمینِ دل پر کرم کا ابرِ مطیر برسے
Madine wale humare dil hain azal se tishna azal se tarse
Azal ki tishna zameen-e-dil par karam ka abr-e-mateer barse
لطیف جذبے عمیق جملے جمیل نعتیں جو لکھ رہا ہوں
میں لے کے آیا ہوں ذوقِ مدحت نبیٔ اکرم کے سنگِ در سے
Lateef jazbey ameeq jumlay jameel naatein jo likh raha hun
Main le ke aaya hun zouq-e-madhat Nabi-e-akram ke sang-e-dar se
دیارِ بطحا کا ذرہ ذرہ ہے ماہ و انجم سے بڑھ کے روشن
سمجھ نہ آئے اگر یہ منطق مدینہ دیکھو مری نظر سے
Diyar-e-Batha ka zarra zarra hai mah o anjum se barh ke roshan
Samajh na aaye agar yeh mantik Madina dekho meri nazar se
قرار دیتی ہوئی یہ راہیں بسائے رکھنا دل و نظر میں
گزر کے جائیں گے اہلِ جنت اسی مدینے کی رہ گزر سے
Qarar deti hui yeh rahein basaye rakhna dil o nazar mein
Guzar ke jayein ge ahl-e-jannat isi Madine ki reh guzar se
ہمیں بہت یاد آ رہی ہیں وہ عود و عنبر سے پر فضائیں
کہاں سے لائیں وہ کشتِ جنت فضا وہ لائیں گے ہم کدھر سے
Humein bohot yaad aa rahi hain woh oud o anbar se par fazaen
Kahan se laen woh kasht-e-jannat faza woh laik ge hum kidhar se
ملی ہے جود و سخا کی عادت کریم ہیں وہ کرم ہے خصلت
معاف کرنا ہے ان کا شیوہ وہ کام لیتے ہیں در گزر سے
Mili hai jood o sukha ki aadat kareem hain woh karam hai khuslat
Maaf karna hai unka shewa woh kaam lete hain dar guzar se
نگاہِ اشفاقؔ شہرِبطحا کو چومتی ہے عقیدتوں سے
امام مالک کی مثل آنکھیں لپٹ کے روتی ہیں بام و در سے
Nigaah-e-Ashfaq shehar-e-Batha ko choomti hai aqidaton se
Imam Malik ki misal aankhein lipat ke roti hain bam o dar se
Share This Naat
Share with friends and family
مدینے والے ہمارے دل ہیں ازل سے تشنہ ازل سے ترسے
اشفاق احمد غوری